ҮЗӘК КИТАПХАНӘ КҮРГӘЗМӘГӘ ЧАКЫРА.

Алда торган Татарстан Республикасы Дәүләт Советы депутатларын сайлаулар татарстанлылар тормышында мөһим вакыйга. Үзәк китапханә хезмәткәрләре оештырган "Сайлаулар – киләчәк өчен җаваплылык!" китап күргәзмәсе әлеге вакыйгага багышлана. Анда сайлау системасы турында мәгълүмат бирелә. Аңа килүчеләр сайлаулар үткәргәндә Россия Федерациясе гражданнарының сайлау хокукларының төп гарантияләрен һәм аларны әзерләү һәм үткәрү тәртибен билгели торган норматив документлар белән таныша алачак. Күргәзмәдә сайлаучыларны кызыксындырган сорауларга җаваплар бирелә. Мәсәлән, гражданны конкрет сайлау участогында сайлаучылар исемлегенә кертү өчен нәрсә нигез булып тора, сайлау хокуклары бозылган очракта шикаять белән кая мөрәҗәгать итргә. Юл күрсәткечтә яшь сайлаучылар да, сайлау участокларына беренче килүчеләр дә күп кенә мәгълүмат табачак. Укучыларга Россия һәм Татарстан территориясендә борынгы заманнардан безнең көннәргә кадәр электораль процессларның үзенчәлекләрен характерлаучы архив чыганаклары белән танышу мөмкинлеге биреләчәк.