Автоледиларны яңа сынаулар көтә.

Биш конкурсантка чираттагы мәртәбә үзләрен автомобильче ролендә раслау һәм ир-ат йөртүчеләргә нәкъ менә аларның, гүзәл затларның транспорт хәрәкәте өмете икәнен исбатлау мөмкинлеген кулдан ычкындырмады. Әле берничә ел элек кенә машина йөртү ир- ат эше саналса, бүген исә руль артындагы хатын-кыз – шактый еш күренеш. Кайчак алар, үз үзенә ышанган һәм бераз кискенрәк ханымнар юлда күпчелекне тәшкил итә кебек тоела. Алар конкурс барышында да югалып калмадылар. Алынган йөртү күнекмәләре, юл хәрәкәте кагыйдәләрен яхшы белү һәм зур җаваплылык хисе автоледиларга конкурсның бар этапларын да уңышлы үтәргә ярдәм итте. Ә алар, дөресен әйтик, бик җиңелдән түгел иде. Мәсәлән, юл хәрәкәте кагыйдәләрен белү ярышы имтихан билетлары буенча үткәрелде. 10 минут эчендә 20 сорауга җавап бирергә кирәк булды. "Классика"конкурсында һәр катнашучы үз эченә "бокс","елан" һәм "машинаны урынына кую" кебек биремнәрне алган махсус маршрут буенча үтүргү тиеш иде. Маневрлар күнегелгән булса да, алар бу юлы җиңел бирелмәде – дулкынлану үз эшен эшләде. Нәтиҗәдә "югары пилотаж" ны барысы да булдыра алмады. Кемдер кадерле секундларны киртәләрне узганда югалтты, ә кемдер – финишта. Стажлы йөртүчеләр үзләрен ышанычлырак тоттылар. Алар арасында – Лаеш балалар йорты директоры Рузалия Валиуллина һәм медицина хезмәткәре Нәзилә Архипова. Аларэлек тә мондый конкурсларда катнаштылар һәм призлы урыннар алдылар. Әмма бу юлы уңыш машинаны яңа йөртә башлаганнарга елмайды. Беренче урынны бер тавыштан "Земля" МУП хезмәткәре Чулпан Сидоровага, икенчене – Казан ветеринария академиясе студенты Анна Юркевичка һәм өченчене – балалар йорты директоры Рузалия Вәлиуллинага бирделәр. Алдагы җомгада Чулпан Сидорованы яңа сынау көтә. Ул "Автоледи-2014" республика конкурсында безнең район данын яклаячак. Аңа уңышлар телик.