Лаеш муниципаль районы

Тагын бер кат пенсия туплаулары турында

2014 елның 15 августы, җомга

Соңгы вакытта пенсиянең туплау өлешенең язмышы күп бәхәсләр тудыра. Шулай ук федераль законнар белән быел барлык иминият взносларының аның иминият өлешен формалаштыруга юнәлтеләчәге билгеләнгән. Бу шулаймы һәм ул нәрсә белән бәйле? Газета укучыларыбыз соравына Пенсия фондының Лаеш районы идарәсе начальнигы Ирина Алешина җавап бирә.

–Чыннан да, Россия Федерациясе Хөкүмәте 2015 елда (2014 елдагы кебек үк) мәҗбүри пенсия иминиятенә иминият взнослары акчаларын пенсия системасының бүлү өлешендә иминият пенсиясе формалаштыру һәм финанслауга юнәлтү турында карар кабул итте. Шуңа туры килгәнчә, киләсе елда туплау өлешенә барырга тиеш булган взнослар гражданнарның бүлү өлешендә пенсия хокукларын арттыралар. Мондый карар кабул итү туплау өлешенең нәтиҗәлелеге түбән булуы һәм чынбарлыкта гражданнарның пенсия хокукларын киметүе белән бәйле. Шулай итеп, еш кына нәтиҗәлелеге түбән туплау өлеше пенсия туплаулары формалаштырганда да, туры килүче пенсия түләүләре билгеләгәндә дә (түләү стадиясендә) гражданнарның акчаларын тартып ала. Бу очракта бары финанс оешмалары гына файда ала. Чөнки аларга дәүләт гражданнар взносларын мәҗбүри тәртиптә күчерә. Һәм шул ук вакытта алар өстендә бернинди җаваплылык юк, шул исәптән гражданнар взносларыннан файдаланган өчен алардан процентлар алу сыйфатында да. Бу очракта финанслаучыларның гамәлләре арадашчылыкка кайтып кала. Хәзерге вакытта моны чишүнең детальле механизмы эшләнә. Шунысын билгеләп үтәргә кирәк, әлеге чара пенсия системасындагы ниндидер дефицитлар белән бәйле түгел, ә гражданнарны социаль иминиятләүгә стандарт якын килү кысаларында аның теләктәшлек характерын аңлы рәвештә көчәйтүгә юнәлтелгән.

–Гражданнар счетларындагы пенсия туплаулары белән нәрсә булыр?

–Барлык пенсия туплаулары саклана, инвестицияләнә һәм пенсия билгеләгәндә инвестицияләүнең бар еллары өчен инвестиция керемнәрен исәпкә алып түләнәчәк.

–Билгеле булганча, 2015 ел азагына кадәр пенсия туплаулары формалашучы 1967 елгы һәм аннан яшьрәк гражданнар пенсия тәэмин итүе вариантын сайларга тиешләр. Сайлар алдыннан нәрсәгә игътибар итәргә кирәк?

–Иминият пенсиясе дәүләт тарафыннан гарантияләнә һәм ел саен иң кимендә инфляция дәрәҗәсендә арта. Ягъни, иминият пенсиясе инфляциядән тулысынча сакланган. Туплау пенсиясе индексацияләнми һәм инфляциядән сакланмаган.Пенсия туплаулары бәясен югалтырга мөмкин. Шул рәвешчә, чыгымнарга китерә алалар. Шул ук вакытта иминият пенсиясе туплау пенсиясенә караганда тизрәк арта. Бүгенге көндә гражданнарның булачак пенсиясен формалаштыручы пенсия хокуклары белән дә нәкъ шулай. Соңгы елларда иминият пенсиясе арту дәүләтнеке булмаган пенсия фондларының пенсия туплауларын инвестицияләүдән кергән уртача керемнән ике тапкыр артыграк. Иминият пенсиясе – ул дәүләт җаваплылыгы. Туплау пенсиясе –базарның конъюнктур үзгәрешләренә һәм начар идарә итү нәтиҗәсендә чыгымнарга һәм банкротлык куркынычына дучар ителергә мөмкин булган шәхси компанияләр җаваплылыгы. Шуны аңларга кирәк, пенсиянең туплау өлешен формалаштыру һәм акчаны финанс базарларына кертүдә куркыныч һәрчак югары.

БАРЛЫК ЯҢАЛЫКЛАРНЫ УКУ