"Лети, лети, лепесток" әдәби уены
Балалар китапханәсе хезмәткәрләре интернат-мәктәпнең инвалид балалары һәм Лаешның 2нче мәктәбенең 3 “а” сыйныфы укучылары өчен Валентин Катаев тууга 120 ел тулуга багышланган "Лети, лети лепесток" әдәби уены үткәрделәр. Китапханәче белән бергә балалар Валентин Катаев тормышын һәм иҗатын искә төшерделәр. Ул балаларны бик яраткан һәм үзенең яхшы киңәшләре һәм гыйбрәтле тарихлары белән нәкъ менә аларга мөрәҗәгать иткән, төп кешелек сыйфатлары, дуслар һәм әти-әниләр белән үзара аралашу проблемалары турында сөйләгән. Иң танылган һәм барысы да ярата торган «Цветик-семицветик» әкияте балаларга үз гамәлләрен аңларга һәм тагын да күбрәк игелекле эшләр башкарырга ярдәм итте. Балалар әлеге китап буенча сәяхәткә юнәлделәр. "Цветик-семицветик" мультфильмыннан өзек карадылар. Балалар өчен компьютерда викторина әзерләнгән иде. Чара өчен "Жизнь дана на добрые дела" китап күргәзмәсе оештырылган иде.