19 гыйнварда Казан шәһәренең Ак Барс яшьләр үзәгендә КОЛЯДА фольклор ансамбленең 25 еллык юбилеен бәйрәм итү булды. Анда ТР Лаеш районы Никольский авылы мәдәният йорты мөдире С.А.Трусова катнашты. Ул 1992 елдан бергә хезмәттәшлек итә торган коллективны котлады һәм “Коляда” җитәкчесе Н.П.Кузьминага хезмәткәр Галина Германова ясаган Никольский муенсасын, ә юбилярларга чәй сервизы бүләк итте.