Лаеш муниципаль районы

Сокуры авылында яңа икмәк пешерү йорты ачылды

2017 елның 4 феврале, шимбә

Сокуры авылында яңа икмәк пешерү йорты ачылды

Лаеш районының Сокуры авылында яңа икмәк пешерү йортын ачу булды. Хәзер авылда яшәүчеләр һәм авыл аркылы үтеп йөрүчеләр җирле җитештерүчеләрнең икмәк-күмәч продукциясен сатып ала ала.

Салкынга һәм буранга карамастан, икмәк пешерү йортын ачуга авылның күп кенә кешесе килде. Трассадан үтүче машина йөртүчеләр дә читләп үтмәде. Күңелле музыка, биюче артистлар һәм төрле төстәге шарлар күпләрнең игътибарын җәлеп итте.

Такмаклар һәм күңелле ярышлар белән халык күңелен ачтылар. Кешеләр туңмасын өчен аниматорлар бәйрәм кунаклары арасында бию конкурсы оештырды. Тамашачылар яраткан җырларына кушылып җырладылар һәм бик теләп төп приз – келиндерләрнең зур бәйләме өчен ярышта катнаштылар. Теләге булган һәркем әтәч һәм аю киеменә киенгән артистлар тәкъдим иткән яңа пешкән күмәчләрдән авыз итә алды.

Килгән кешеләрне эчтә өстәл куелган зур булмаган уңайлы зал көтә иде. Киштәләр тәм-томнан сыгылып тора: өчпочмаклар, коймаклар, эремчек пәрәмәчләре, күмәчләр.

Предприятие директоры Виталий Сорокин сүзләре буенча, кафе 2006 елдан эшли һәм алар клинтларга үзләре җитештергән яңа пешкән әйберләр тәкъдим итәргә булганнар. Бинага ремонт ясаганнар, яңадан үзгәртеп корганнар һәм җайланмалар сатып алганнар. Җитештерүне көйләүдә тәҗрибәле технолог Елена Иванова ярдәм иткән.

Безнең предприятиедә 15 кеше эшли, алар барысы да Лаеш районыннан. Аларга инде бәйрәмнәргә пироглар пешерергә заказлар килә. Алга таба продукция ассортиментын киңәйтергә планлаштыралар: икмәкнең сортларын арттырачаклар, кондитер эшләнмәләре, пицца пешерәчәкләр.

(“Кама ягы” газетасы материалы нигезендә, Александр Воржецов фотосы)

ТР Лаеш районы матбугат хезмәте

БАРЛЫК ЯҢАЛЫКЛАРНЫ УКУ