Лаеш үзәк китапханәсендә укучылар «Обаяние старых газет...» ретро-күргәзмәсе белән таныша алалар Лаеш

2017 елның 17 феврале, җомга
«Газета – первый черновик истории»
                                       Филип Грэм
 
Һәр чорда да вакытлы матбугат битләреннән үткәннең картиналары торгызыла, чөнки китап язылу вакыты белән аның дөньяга чыгуына кадәр еллар уза. Шул ук вакытта газеталарда бу ара көннәр белән санала. Шуңа күрә нәкъ менә вакытлы матбугатта вакыт сулышы шулкадәр нык сизелә. Иске газеталар – алар узган чорның шаһитлары һәм алар теләсә кайсы китапханәнең горурлыгы булып тора.
Лаеш үзәк китапханәсендә укучылар «Обаяние старых газет...» ретро-күргәзмәсе белән таныша алалар. Ул Лаеш муниципаль районы оешуның 90 еллыгына һәм Лаеш шәһәренә нигез салынуның 460 еллыгына багышлап “Камская новь” (“Кама ягы”) газеталары буенча оештырылган. Узган еллар эчендә район газетасы үз исемен бер генә үзгәртмәде. Күргәзмәдә түбәндәге газета тегелмәләре тәкъдим ителгән: 1946, 1947 ... еллардагы «Большевистский путь», аннан соң 1954 елгы «Сталинское знамя» һәм 1960 елгы «Путь победы», шулай ук 1980 елдан башлап бүгенге көнгә кадәр «Камская новь» газеталары. Саргайган битләр безгә Лаеш районына нигез сала башлаган кешеләрнең исемнәрен җиткерәләр. Иске тегелмәләр, райондагы һәм илебездәге тарихи үзгәрешләрнең шаһитлары кебек, чорлар алышыну, кеше язмышлары, вакыйгалар елъязмасы турында сөйлиләр. Газеталар укучыларга тирә-якта барган бар нәрсә турында оператив мәгълүмат китерә, аеруча кызыклы вакыйгаларны, фактларны, материалларны яктырта, безне кызыксындырган сорауларга җавап бирә.
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Документлар
Матбугат үзәге
Гражданнар мөрәҗәгате һәм кабул итү
Адрес: 422610, Республика Татарстан, Лаишевский район, г. Лаишево, ул. Первомайская, 39
Телефон: 8 (84378) 2-51-51
E-Mail: Sovet.Laishevo@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International