Лаеш муниципаль районы

Лаеш районы үз эше турында хисап тотты

2017 елның 17 феврале, җомга

16 февральдә Столбище поселогында урнашкан "ИНВЭНТ" технополисы базасында Лаеш район Советының отчет сессиясе булды. Анда ТР Премьер-министры урынбасары – ТР сәнәгать һәм сәүдә министры Альберт Кәримов, Лаеш районы башлыгы Михаил Афанасьев һәм ТР мәдәният министры Айрат Сибагатуллин катнашты.

Утырыш алдыннан алар Столбище авыл җирлеге территориясендә урнашкан предприятиеләр продукциясе күргәзмәсе экспозициясен карадылар, аннан соң “ИНВЭНТ” компанияләр төркеменә керүче “Таткабель” заводы эше белән таныштылар.

2016 елдагы эшчәнлек һәм 2017 елга бурычлар турында доклад белән район башлыгы Михаил Афанасьев чыгыш ясады. Аның сүзләре буенча, узган ел әһәмиятле сәяси һәм социаль-мәдәни вакыйгаларга бай булды – бу Дәүләт Думасына депутатлар сайлау; районга, Егорьево авылына Мәскәү һәм барлык Русь патриархы Кирилл килү, ул җирле мәхәлләдә гыйбадәт үткәрде һәм бөек шагыйрь Гавриил Романович Державинга һәйкәл ачуда катнашты; шулай ук Татарстан Республикасы Президенты Рөстәм Миңнеханов катнашында мәгариф һәм фән хезмәткәрләренең республика август конференциясе. Михаил Афанасьев үз чыгышында билгеләп үткәнчә, муниципаль районнар һәм шәһәр округлары социаль-икътисади үсешенең гомуми рейтингында Лаеш районы гадәттәгечә алдынгы позицияләрне алып тора. Күпчелек күрсәткечләр үсешенең уңай динамикасы билгеләнгән:

-бу гомуми территориаль продуктның 21 миллиард сумга кадәр артуы;

-үзебездә җитештерелгән товарларны сатуның 32 миллиард сумга кадәр артуы (27 % үсеш);

-сәнәгать җитештерүе индексы 141 %ка артты.

Инвестицияләрнең гомуми күләме, 25 % үсеш белән 8,6 миллиард сум тәшкил итте.

Районда хезмәт хакы дәрәҗәсе республикада иң югарыларның берсе һәм 35 мең 500 сум тәшкил итә. Халыкның бер кешегә акчалата кереме артты һәм 21 мең сум тәшкил итте. “Районда хезмәт базарында киеренкелек коэффициенты республикада иң түбәне, ул икътисади актив халыкның 0,18 %ын тәшкил итә. Агымдагы елда барлык планлаштырылган чаралар кысасында 3,5 меңнән артык яңа эш урыны булдыру мөмкинлеге барлыкка киләчәк”, - дип өстәде Михаил Афанасьев.

Алга таба район башлыгы барлык катнашучыларны бар тармаклар буенча башкарылган эш белән таныштырды һәм аларның һәркайсы буенча быелга бурычлар билгеләде. Альберт Кәримов Лаеш районының бар командасы эшчәнлеген уңай бәяләде. Ул үсеш темпларын саклап кына калмый, ә елдан-ел аларны арттыра бара. Аннан соң министр Республиканың бүгенге көндәге икътисади торышы турында сөйләде. Соңыннан Альберт Кәримов, Михаил Афанасьев һәм Айрат Сибагатуллин район кешеләренә бүләкләр тапшырдылар.

ТР Лаеш районы матбугат хезмәте

БАРЛЫК ЯҢАЛЫКЛАРНЫ УКУ