ЯҢАЛЫКЛАР

Беренче июльдән җәяүлеләрне яктылык кайтаручы элементлар булган кием яки яктылык кайтаручы беләзекләрдән файдаланырга  мәҗбүр итүче закон көченә керде.

Шушы көннәрдә район Советында үткән киңәшмәдә ТР “Халык контроле“ дәүләт мәгълүмати системасының (ГИС) 2015 елның беренче ярты елындагы эшенә йомгак ясалды. Исегезгә төшерәбез, әлеге система Татарстанда Президент Рөстәм Миңнеханов йөкләмәсе буенча ике ел тирәсе элек эшли башлады. Аның максаты - дәүләт һәм халыкның үзара мөнәсәбәтенең бердәм мәгълүмати кырын формалаштыру.

Нармонканың “Солнышко“ балалар бакчасы 1 миллион сум күләмендә “Иң яхшы билингваль балалар бакчасы-2015“ республика конкурсы җиңүчесе гранты белән бүләкләнде.

Мәктәпкәчә учреждениедә белем бирү процессын оештыруда бик яхшы уңышлары өчен Лаешның “Бәхетле бәләкәч“ балалар бакчасы 500 мең сум күләмендә грант белән билгеләнде. Ул Татарстан Республикасының 48 иң яхшы мәктәпкәчә учреждениесе катнашкан республика конкурсында җиңүчеләр “егермелегенә“ керде.

Республика шәһәрләре һәм районнарында праймериз процедурасы төгәлләнү уңаеннан спорт ярышлары үтте. “Прайм-лига“ кубогына ярышларны оештыручы буларак “Бердәм Россия“ партиясенең җирле бүлекләре башкарма комитетлары чыкты, чөнки аның сайлау алды программасында сәламәт тормыш рәвешен пропагандалау соңгы урында тормый.