ЯҢАЛЫКЛАР
Без халыкны яңа Covid-19 коронавирус инфекциясенә каршы масштаблы вакцинацияләүне башлыйбыз. Бүген бу хакта Татарстан Республикасы Президенты Рөстәм Миңнеханов Татарстан Республикасы Хөкүмәте Йортында узган республика киңәшмәсендә хәбәр итте.
Татарстан Республикасында агымдагы 2021 елда 2 млн. 670 мең кв. метр торак төзү планлаштырыла. 2021 елның 16 гыйнварына 105 мең кв.м (планның 3,9%ы) файдалануга тапшырылган. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры Марат Айзатуллин хәбәр итте. Ул шулай ук искә төшергәнчә, иң мөһим юнәлеш, бигрәк тә республикага ун еллык перспективага куелган бурычлар буенча – торак төзелеше.
Бүген Казанда Татарстан Республикасы Хезмәт, халыкны эш белән тәэмин итү һәм социаль яклау министрлыгының йомгаклау коллегиясе утырышы узды. Журналистлар белән әңгәмә вакытында ведомство башлыгы Эльмира Зарипова республикада 32 федераль һәм 53 республика чараларын үз эченә алган социаль ярдәм чараларының системасы формалашуын билгеләп үтте.
Бүген Татарстан Республикасы Хөкүмәте Йортында узган республика киңәшмәсендә Татарстан Республикасы Авыл хуҗалыгы һәм азык-төлек министры Марат Җәббаров Татарстан Республикасы Авыл хуҗалыгы һәм азык-төлек министрлыгының төп эш нәтиҗәләре турында сөйләде.
Коронавирус пандемиясе шартларында АПКның өзлексез эшләвен тәэмин итү һәм тармак хезмәткәрләрен массакүләм вакцинацияләү чираттагы «Контроль сәгате» форматындагы киңәшмәнең төп темалары булды, ул Россия авыл хуҗалыгы министры Дмитрий Патрушев кугшуы буенча Россия Авыл хуҗалыгы министрлыгында узды. Министрның беренче урынбасары Джамбулат Хатуов рәислегендә узган чарада Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җаббаров катнашты.
Кышкы каникулларда 4 392 бала 31 ял оешмасы базасында,, 13700 укучы 306 көндезге мәктәп яны лагерьларында ял итте.
18-19 нчы гыйнвар төнендә православие дөньясы Хач ману яки Богоявление бәйрәмен билгеләп үтә. Хокук тәртибен һәм су коенуларының куркынычсызлыгын полиция хезмәткәрләре, медиклар, ГИМС инспекторлары, коткаручылар һәм янгын сүндерүчеләр тәэмин итәчәк.
2021 елда БДИ биремнәренә үзгәрешләр кертү планлаштырылмый. Бу хакта ТАССка РФ мәгариф министры Сергей Кравцов белдерде.
1 февральдә БДИга гаризалар бирү вакыты тәмамлана. Бу уңайдан әлегә аны үткәрү вакытына бернинди үзгәрешләр дә кертелмәгән, шуңа күрә вузларга керү вариантларын исәплибез һәм... профильле математика буенча БДИга аеруча зур игътибар бирәбез.
Математика буенча БДИ сайлау өчен өч сәбәп
2021 елның 10-12 февралендә «Казан Экспо» Халыкара күргәзмә үзәге территориясендә агросәнәгать комплексының төп тармаклары экспозициясен берләштерүче 3 нче махсуслаштырылган «ТатАгроЭкспо» күргәзмәсе һәм эшлекле форум узачак, аның төп вакыйгасы «Татарстан Республикасы агросәнәгать комплексының 2020 елдагы эшенә йомгаклар һәм 2021 елга бурычлар» темасына Татарстан Республикасы Авыл хуҗалыгы һәм азык-төлек министрлыгы коллегиясенең киңәйтелгән утырышын уздыру булачак.