ЯҢАЛЫКЛАР

Казанда эшмәкәрлеккә ярдәм итү буенча “Әни – эшмәкәр” федераль белем бирү проекты үтәчәк. Декрет ялындагы хатын-кызлар, балигъ булмаган балалар аналары, шулай ук мәшгульлек үзәгендә исәптә торучы хатын-кызлар бизнес нигезенә бушлай укый алачаклар. Дәресләр Татарстан башкаласында 2018 елның 9 июленнән 13енә кадәр түбәндәге адрес буенча узачак: Казан шәһәре, Петербург урамы, 28 йорт (Эшмәкәрләр йорты).

Казан районара табигатьне саклау прокуратурасының күчмә кабул итүе эше планына ярашлы төстә, 2018 елның 20 июнендә 8 дән 9 сәгатькә кадәр Казан районара табигатьне саклау прокуроры Хәбировым А.А. Татарстан Республикасы Лаеш муниципаль районында әйләнә-тирә мохитне саклау һәм табигать байлыкларыннан файдалану мәсьәләләре буенча халык кабул итү үткәрә.

Кабул итүгә прокуратураның 8 (843) 590-66-36 яки 8 (843) 2-57-27 телефоны аша алдан язылырга мөмкин.

16 июньдә Лаеш шәһәренең Ак тауларында татар милли бәйрәме Сабантуй булды. Район халкына сәламләү сүзе белән район башлыгы Михаил Афанасьев һәм ТРның бала хокуклары буенча вәкаләтле вәкиле Гүзәл Удачина мөрәҗәгать итте. “Татар милли бәйрәме Сабантуй Россия халкының берләшүенә һәм хөрмәтле мөнәсәбәттә булуларына ярдәм итә. Бу безнең бердәмлекне, дуслыкны безне уртак тарих, мәдәният, гореф-гадәтләр һәм йолалар бәйли торган нык элемтәләрне күрсәтү өчен тагын бер сәбәп”, - диде Михаил Афанасьев. Ул шулай ук район хуҗалыкларының чәчү кампаниясен уңышлы башкарып чыгуын һәм яхшы уңыш көтелүен билгеләде. Гүзәл Удачина ТР Президенты Рөстәм Миңнехановның Сабантуй белән котлавын укыды. Аннан соң уңган авыл хезмәтчәннәрен һәм чәчү батырларын бүләкләү булды.

Хөрмәтле Лаеш муниципаль районында һәм Лаеш шәһәрендә яшәүчеләр! Лаеш районы башкарма комитеты искәртә, ”Соры” хезмәт базары” юнәлеше буенча закон бозу очраклары турында “Халык контроле” дәүләт мәгълүмати системасының һttps.\\uslugi. tatar.ru. ссылкасы аша “Хезмәт мөнәсәбәтләре рәсмиләштермәү” һәм “Хезмәткә түләүнең яшерен формалары” бүлекләренә хәбәр итәргә була. Шулай ук 2-52-12, 2-57-35 телефоннары аша кайнар линиягә дә хәбәр җибәреп була.

Киров өлкәсе Яранск шәһәрендә барлык стильле каратэ буенча ачык чемпионат үтте. Анда Комлы Ковали авылының “Дружба” спорт үзәгендә шөгыльләнүче Ижбулатов Даниил өченче урын алды (тренеры Тимур Сабитов). Афәрин, котлыйбыз!

Тантаналы тапшыру Татарстан Республикасы Дәүләт Советында булды. Монда "Моя малая Родина” конкурсы йомгаклары буенча фотокүргәзмә ачылды. Конкурсны “БЕРДӘМ РОССИЯ” партиясе яклыларның Татарстан координацияләү Советы Рус география җәмгыятенең Татарстан төбәк бүлеге белән бергәләп оештырган. Анда Татарстан Республикасыннан барлыгы 500 катнашучы белән беррәттән Никита Буров та катнашкан һәм I дәрәҗә диплом белән истәлекле бүләк алды. Никитаны җиңүе белән котлыйбыз!

ТР Лаеш районы матбугат хезмәте

Лаеш районы башлыгы Михаил Афанасьев эш визиты белән Франкфурт-на-Майнега (Германия) барды. Ул ТР Президенты Рөстәм Миңнеханов җитәкчелек иткән Татарстан делегациясе составында иде. Район башлыгы белән бергә Германиягә «Иннопарк-Рождествено» Ришат Вәлиев тә барды.

Лаеш районына Новосибирск өлкәсенең законнар чыгару җыены дерутатлары, эшлекле берләшмә вәкилләре һәм Новосибирск шәһәре белән Новосибирск өлкәсенең төзелеш комплексы оешмалары җитәкчеләре килде. Делегацияне «Первый строительный фонд» ЯАҖнең генераль директоры Майис Мамедов һәм Нововсибирск өлкәсенең авыл хуҗалыгы министры урынбасары Алексей Колмаков җитәкләде. Визит тәҗрибә уртаклашу кысаларында оештырылган. Аларны Лаеш районы башкарма комитеты җитәкчесе Михаил Фадеев озатып йөрде.

Никольский авылына Казаннан  туристлар килде. Кунаклар «Каравон» ансамбле белән таныштылар, “Каравон йөрергә” өйрәнделәр, шулай ук ансамбльнең 30 еллык юбилее уңаеннан төзелгән “Рус утары”нда булдылар.

Россиядә Пушкин көнендә Орел авылы китапханәсендә «Сказочная поляна Лукоморья» дигән әдәби сәгать үткәрелде. Чара башында китапханәче Садриева Фәридә Вәлиуллаевна балаларны бөек рус шагыйре А.С.Пушкинның тормышы һәм иҗаты белән таныштырды. Аннан соң балалар «Сказочная поляна Лукоморья» әкияти викторинасында актив катнаштылар, монда алтын балык белән карт һәм карчыкны очратырга, викторина сорауларына җавап бирергә, А.С.Пушкин әкиятләрен искә төшереп табышмаклар һәм ребуслар чишәргә була иде. Балалар бик теләп Пушкинның «Руслан и Людмила», «Сказка о царе Салтане», «Сказка о попе и о работнике его Балде» әкиятләреннән өзекләр укыдылар. Алар китапханәдә вакытларын үзләре өчен файдалы һәм күңелле итеп үткәрделәр. Анда «Сказочный мир Пушкина» китап киштәсе ясалган иде.