ЯҢАЛЫКЛАР
Татарстан кафе һәм рестораннарына яңа ел төнендә иртәнге өчкә кадәр эшләргә рөхсәт иттеләр. Бу хакта ТР Премьер-министры Алексей Песошин хәбәр итте.
Татарстан Республикасы Авыл хуҗалыгы һәм азык-төлек министрлыгы республика халкын кулай бәяләрдән авыл хуҗалыгы продукциясе сатып алу өчен шимбә көнне, 4 декабрьдә, Казанда, Чаллыда, Зеленодольск районының Октябрьский поселогында («Яңа Тура» сәүдә-ярминкә комплексында) уза торган ярминкәләргә чакыра, алар иртәнге сәгать 6дан эшли башлый. Шәһәр халкы Татарстанның муниципаль районнарыннан китерелгән ит, казылык әйберләрен, үлчәүле сөт, сыр, май, йомырка, яшелчәләр, бал, шикәр, он, ярмалар һәм авыл хуҗалыгы товар җитештерүчеләре китергән башка фермер продукциясен сатып ала алалар.
2020 елның 12 декабрендә РФ Конституциясен белүгә Бөтенроссия тесты узачак. Акцияне оештыручы – «Гражданин» иҗтимагый хәрәкәте. Тестны рәсми мәйданчыкларда һәм «Гражданин» платформасында онлайн-форматта узарга мөмкин булачак.
13 декабрьгә кадәр республика халкы 30% ташлама белән вакытлы басмаларга язылу рәсмиләштерә ала. Россия почтасы нәшрият йортлары белән берлектә 1 700 дән артык газета һәм журналга язылу бәясен киметәчәк.
Ана капиталыннан гариза белән мөрәҗәгать итмичә генә айлык түләүләрне билгеләү 2021 елның 1 мартына кадәр озынайтыла. Бу хакта Россия пенсия фондының Татарстан бүлекчәсе хәбәр итә.
Безгә мондый сораулар еш килә. Җавап әзерләү өчен без приставларның матбугат хезмәтенә мөрәҗәгать иттек. Безгә анда приставларның еш кына күчмә чараларда була алуын аңлаттылар, ләкин хезмәтләрнең күп өлеше дәүләт хезмәтләре порталында күрсәтелгәнен аңлаттылар.
Бүген ТР Транспорт һәм юл хуҗалыгы министры Фәрит Хәнифов 2020 елда Татарстанда «Имин һәм сыйфатлы автомобиль юллары» илкүләм проектын гамәлгә ашыруның барышын актив яктырткан массакүләм мәгълүмат чаралары вәкилләре белән очрашты.
2020 елда Татарстан авылларында 500дән артык объект төзекләндерелде. Бу Татарстан Республикасы Авыл хуҗалыгы һәм азык-төлек министрлыгы тарафыннан «Авыл территорияләрен комплекслы үстерү» дәүләт программасын уңышлы гамәлгә ашыру нәтиҗәсендә мөмкин булды. Программа кысаларында авыл территорияләрен төзекләндерү чараларына 791,8 млн. сум акча бүлеп бирелде, шул исәптән федераль бюджеттан – 459,2 млн.сум, Татарстан Республикасы бюджетыннан – 332,6 млн. сум. Моннан тыш, муниципаль районнар тарафыннан 11,3 млн.сум бирелгән, бюджеттан тыш чыганаклардан 347,2 млн. сум акча җәлеп ителгән.
Россия Федерациясе Хөкүмәтенең 2020 елның 12 ноябрендәге 1816 номерлы карары белән капиталь төзелеш объектын төзү, үзгәртеп кору өчен төзелешкә рөхсәт алу таләп ителми торган яңа очраклар исемлеге расланды. Мондый очракларга, аерым алганда, 500 м диаметрлы суүткәргечләр һәм суүткәргеч, 1000 м диаметрлы линияле су бүлү корылмалары, IV һәм V категорияле автомобиль юллары, җирле урамнар, җирле юллар, авыл җирлекләренең урам-юл челтәрләре, шәһәр урамнары һәм мәйданнары, парк юллары, юллар, велосипед юллары, шулай ук кайбер башка объектлар төзү, реконструкцияләү кертелгән.
Тәүлек буе эшли торган «Яшел линия» (#greenline) эшли башлаган, аның аша гражданнар экология мәсьәләләре буенча үз фикерләрен белдерә ала. Әлеге проектның төп максатлары арасында – халыкның «экологик хәвефсезлек» дәрәҗәсен аңлау, статистикага анализ ясау һәм бүгенге көндә россиялеләрне барыннан да бигрәк нәрсә борчыганлыгы турында ачыклау.