ЯҢАЛЫКЛАР

Кадерле дуслар! Сезнең ярдәм таләп ителә! Лаеш шәһәреннән Анастасия Шастина каты авырый, аны дәвалау өчен кыйммәтле дарулар таләп ителә. Барлык битараф булмаган кешеләрнең ярдәм итүен үтенәбез.
Акча күчерү өчен реквизитлар: Россия Саклык банкының банк картасы, карта номеры: 4276 8620 2574 8619, АНАСТАСИЯ ШАСТИНА өчен. 
Лаеш муниципаль районының социаль-икътисади үсеш фондыннан кызны давалауга 120000 сум акча күчерелде. Дуслар, битараф булмыйк, әйдәгез бергәләп Анастасиягә ярдәм итик!

Районда авыл мәдәният йортларының отчет концертлары башланды. Кичә, 13 октябрьдә ул Атабайда үтте. Авыл мәдәният йорты артистлары үз талантларын һәм күнекмәләрен күрсәттеләр. Отчет концертлары барышында һәр авыл 2017 елның 14 февралендә булачак Лаеш районы оешуның 90 еллыгында чыгыш ясау өчен берәр номер тәкъдим итәчәк. 
 

Г.Р.Державин исемендәге Лаеш ягы музеенда төрле чаралар, кызыклы экскурсияләр үткәрелә. Лидер Казан экскурсияләр фирмасы белән берлектә безнең музей Лаеш ягы тарихы белән таныштыру максатыннан атна саен Россиянең төрле шәһәрләреннән туристлар кабул итә башлады. 12 октябрьдә музейга туристлар Мәскәү, Екатеринбург һәм Оренбург шәһәрләреннән килде. Театральләштерелгән тамаша оештырылды, кунаклар музейда һәм Лаеш шәһәренең истәлекле урыннарында булдылар.  
 

Лаеш шәһәре үзәк китапханәсендә “Мәдәни-ял итү учреждениеләренең кыен үсмер тормышына тәэсире“ темасына җәмәгать тәрбиячеләре семинары булды. Анда районның социаль яклау бүлеге начальнигы Татьяна Борһанова, Лаеш районының балигъ булмаганнар белән эшләү һәм аларның хокукларын яклау комиссиясе секретаре Наталья Лицова, җәмәгать тәрбиячеләре, “Алтын көз“ халыкка комплекслы социаль хезмәт күрсәтү үзәге һәм социаль-мәдәни юнәлештәге учреждениеләр белгечләре катнашты. Чарага Балык Бистәсе районыннан кунаклар чакырылган иде, аларның делегациясенә башлык урынбасары - районның балигъ булмаганнар белән эшләү һәм аларның хокукларын яклау комиссиясе рәисе Илнур Ибраһимов җитәкчелек итте.
 

Хөрмәтле Лаеш муниципаль районы һәм Лаеш шәһәре кешеләре! Лаеш муниципаль районы башкарма комитеты исегезгә төшерә, “Соры“ хезмәт базары“ юнәлеше буенча закон бозу фактлары турында “Халык контроле“ дәүләт мәгълүмати системасының   «Неоформление трудовых отношений» һәм «Скрытые формы оплаты труда» бүлекләрендә https://uslugi.tatarstan.ru ссылкасыбуенча күчеп хәбәр итәргә була.
Шулай ук мәгълүматны кайнар линиянең 2-52-12, 2-57-35 телефоннарына хәбәр итәргә мөмкин.

2016 елның 13 октябрендә Нармонка авыл җирлеге ветераннар советы коллективы ветераннар советы рәисе Г.С.Краснова җитәкчелегендә Бөек Болгарга барды. Сәяхәт өлкән кешеләр ункөнлегендә оештырылды. 2016 елның 10 октябрендә Татар Кабаны авылында да өлкән кешеләр көненә багышланган чара оештырылды. 2 октябрьдә Нармонка китапханәсендә чара һәм Нармонка авылы мәдәният йортында концерт үткәрелде. Бөек Болгарга баруны оештырган һәм автобус биргән өчен ТР Лаеш муниципаль районы башлыгы М.П.Афанасьевка һәм Лаеш районы ветераннар советы рәисе Р.М.Булатовка рәхмәт белдерәбез.

Түбән Кама шәһәрендә дзюдо буенча тренер Роберт Әнвәр улы Шәйхетдинов истәлегенә багышланган турнир үтте. Ярышларда Татарстан шәһәрләре һәм районнарыннан һәм Киров өлкәсеннән 135 көрәшче катнашты. Лаеш районын балалар һәм үсмерләр спорт мәктәбе командасы тәкъдим итте. 50 кг авырлык категориясендә Ислам Сабиров көмеш медаль яулады. 38 кг үлчәү авырлыгында Иван Каргин бронза призер булды. Безнең спортчылар – Кирилл Морозов һәм Снежана Сытова шулай ук иң көчле бишлеккә керде.

Лаеш районы артистлары Казанда фестивальдә катнашты Казан шәһәренең Халыклар дуслыгы йортында “Татарстан – безнең йортыбыз“ республика этномәдәни фестиваленең сайлап алу этабы узды. Анда Лаеш районы артистлары да катнашты: Кече Елга авылыннан “Мирас“ ансамбле, Карадули авылыннан “Искорка“ ансамбле, Олы Кабан авылыннан “Сәлам“ коллективы, Чирпыдан Нина Барыга һәм Урта Девятоводан Владимир Курмышкин. 

18 сентябрьдә үткән VII чакырылыш РФ Дәүләт Думасына депутатлар сайлауларга багышланган иң яхшы язмалар конкурсы җиңүчеләрен бүләкләделәр. Аларга бүләкләрне “Бердәм Россия“ партиясенең Лаеш бүлеге вәкиле Родион Емельшин тапшырды. Лаеш районында партия сайлаучыларның 96% тавышын җыйды, шулай ук ул илебез буенча да абсолют лидер булып тора. Победители конкурса Ирина Скрипачева һәм Айгөл Ибраһимова үз фотоларын Instagramга #выборылаишево2016 хештегы белән 18 сентябрьдә куйганнар. Котлыйбыз!

 “Алтын көз“ халыкка социаль хезмәт күрсәтү үзәге, гаиләгә һәм балаларга социаль ярдәм итү бүлеге “Бала хокуклары“ темасына рәсемнәр конкурсы башлану турында игълан итә.

Конкурсның максаты хокукый культура формалаштыру, балалар һәм үсмерләрнең иҗади сәләтләрен үстерү һәм аларны иҗат белән шөгыльләнүгә җәлеп итү.

Рәсемнәр, аппликацияләр, пыялада эшләрне 2016 елның 24 октябренә кадәр түбәндәге адрес буенча китерүне үтенәбез: Лаеш шәһәре, Горький урамы, 8 йорт.