ЯҢАЛЫКЛАР

Россия Пенсия фонды сайтында гражданның шәхси кабинеты – ул эшләүче гражданнар өчен эшләп алынган пенсия хокуклары һәм дәүләт хезмәтләрен интернет аша алу мөмкинлеге турында онлайн мәгълүмат бирү буенча заманча сервис. Моннан тыш, шәхси кабинет граждан тарафыннан сайланган пенсия тәэмин итүе вариантлары һәм пенсия туплаулары, шул исәптән пенсияне дәүләт финанславы программасы кысаларында ирекле взнослар һәм дәүләт финанславы чаралары турында мәгълүмат тәкъдим итә. 
Пенсия фондының район идарәсе дәүләт учреждениесе сезгә шуны хәбәр итә: ЕСИАда исәп язмасын раслау белән сайтта гражданның шәхси кабинетында теркәлү буенча хезмәтләр күрсәтә.  
Теләге булган һәркемне пенсия фонды идарәсендә Лаеш шәһәре, Космонавтлар урамы, 2 йорт адресы буенча көтәбез, белешмәләр өчен телефон: 8 84378 25241. 

Кадерле дуслар!
Татарстанның халык артисты, Россиянең атказанган артисты Салават Фәтхетдинов бүген һәм иртәгә Лаеш районында үзенең концерт программасын тәкъдим итә. Бүген концерт Лаеш шәһәре мәдәният йортында була, ә иртәгә - Габишево авылы мәдәни-спорт үзәгендә. Чаралар 19 сәгатьтә башлана. Билет бәяләре 600-650 сум. Тел: 89178642333 (Лаеш шәһәре мәдәният йорты) һәм 89600342812 (Габишево мәдәни-спорт үзәге).
Салават Фәтхетдинов сезне үзенең концертларына көтә! 

Пенсия фонды идарәсе 2016 елның 3 кварталы өчен отчет документларының Бердәм формасын кабул итә.
Исегезгә төшерәбез, отчет электрон төстә отчет кварталыннан соң килүче календар айның 20сеннән дә соңга калмый тапшырыла. Моңа бәйле төстә, отчет кабул итүнең соңгы көне - 20 ноябрь  ялга туры килгәнлектән,

Лаешның район мәдәният йортында “Державин укулары“ XII Бөтенроссия фәнни-практик конференция булды. Монда әдәбият белгечләренең "Державин и диалог культур" һәм "Современные проблемы изучения поэтики Г.Р. Державина" түгәрәк өстәлләре үтте. Аларда Россиянең һәм чит илләрнең әйдәүче филологлары-әдәбият белгечләре катнашты.
 

“Атна вакыйгалары“ республика газетасы һәм “Вакыйгалар“ интернет-порталы хәбәрчеләре Имәнкискәдә яшәүче Вильдан Гариповта кунакта булдылар. Ул быел җәй үзенең 100 яшьлеген билгеләп үтте. Журналистлар Татарстанның өлкән кешеләре турында материаллар сериясе әзерлиләр.
Шуны әйтергә кирәк, Вильдан Гарипов Лаеш районының иң өлкән кешесе булып тора. 
ТР Лаеш районы матбугат хезмәте  

2016 елның 20 ноябрендә, Лаеш муниципаль районы шәһәр һәм авыл җирлекләре бюджетларының үз керемнәрен киңәйтү максатыннан, гражданнарның үзара салымы мәсьәләсе буенча җирле референдум үткәреләчәк.

20 октябрьдә 10нан 11 сәгатькә кадәр Лаеш шәһәре, Чернышевский урамы, 23 йорт адресы буенча район башкарма комитеты бинасында Казан районара табигатьне саклау прокуроры урынбасары Л.А.Исмәгыйлова Лаеш районында әйләнә-тирә мохитне саклау һәм табигый байлыклардан файдалану мәсьәләләре гражданнар кабул итә.

Кабул итүгә язылу 8 (84378) 2-51-42 телефоны аша.

ТР Лаеш районы матбугат хезмәте 

Лаеш техник-икътисад техникумы мәйданчыгында Лаеш районы башлыгы Кубогына мини-футбол буенча чемионат тәмамланды. Анда финал уены булды. Чемпионат нәтиҗәләре буенча 1 урынны “Экшн“ командасы (Лаеш шәһәре) яулады, 2 урын “Усады“ (Усады авылы) командасында, 3 урында – “Ак барс“ командасы (Лаеш шәһәре). Район башлыгы Михаил Афанасьев җиңүчеләрне котлады һәм чемпионнарга Кубок тапшырды.

Үзәк китапханәдә якташ язучылар белән очрашулар үткәрү яхшы гадәткә әйләнде. Өлкән сыйныф укучылары һәм әдәбият яратучылар өчен Разит Хөрмәт улы Сибатовның “Язмышны алдап булмый“ исемле яңа китабын тәкъдир итү булды. Китабында автор 90нчы авыр елларда авыл хуҗалыгы, район үзәгендә техникумда студентлар тормышы турында сөйли, анда безнең як тарихы, мәхәббәт, мәкер күрсәтелә. 
Чарада Илсөяр Иксанова – шагыйрә, Татарстан Республикасы язучылар берлеге әгъзасы, С.Сөләйманова һәм Һ.Такташ исемендәге әдәби премияләр лауреаты, “Түгәрәк уен“ альманахы баш редакторы катнашты. Ул үзенең “Балан чәчәге“ чәчмә әсәрләр китабын тәкъдим итте. 
 

Педагог-психологлар үзләренең коррекцияләү-үстерү эшендә «PERTRA» уен җыелмасын алыштыргысыз ярдәмче дип саныйлар. Учреждениедә ул 2016 елдан кулланыла.
«PERTRA» җыелмасы ярдәмендә балаларның симмтрия тойгысы үстерелә, предметларның үлчәме һәм формасы турында образлар формалаша.
Балалар уен формасында кулларның вак моторикасын үстерәләр, төсләрне, предметларны тотуның төрле ысулларын өйрәнәләр, рәсем ясаганда һәм язганда басым көчен, хәрәкәтләрнең темпын, төгәллеген, ритмын һәм салмаклыгын күнектерәләр, объектларның киңлектәге ориентациясен классификацияләргә һәм үз көчләрен бүлергә өйрәнәләр.
Болар барысы да уку процессына мотивация бирүгә этәрә, үзләрен контрольдә тотарга өйрәтә һәм коллективта эшләү күнекмәләре булдыра.