ЯҢАЛЫКЛАР

12 сентябрьдә ислам динендә иң төп бәйрәмнәрнең берсен – Корбан бәйрәмне билгеләп үттеләр. “Алтын көз” халыкка социаль ярдәм күрсәтү үзәге хезмәткәрләре үзләренең карамагындагы өлкән яшьтәге кешеләрне котларга онытмадылар. Авыл җирлекләрендә бу көнне бәйрәм табыны әзерләнде. Әлеге бәйрәм өлкәннәрнең йөрәгендә үзләре турында кайгыртучан яшьләр турында уңай тәэсир калдырачак.

Бүген Лаеш районы гражданлык актларын теркәү бүлегендә Лаеш шәһәрендә туган 200 бала теркәлде. аның исеме Эмиль. Бәхетле ата Марат  Хафиз улына бүлек хезмәткәрләре истәлекле фотолар өчен фотоальбом бүләк иттеләр.

Район башлыгы Михаил Афанасьев Каип авылындагы яңа мәчеттә булды. Ул гыйбадәтханәне карап чыкты, халык белән аралашты һәм барысын да Корбан бәйрәме белән котлады.

12 сентябрьдә барлык мөселман дөньясы Корбан бәйрәмен билгеләп узды. Шул хөрмәттән район башлыгы Михаил Афанасьев дин эшлеклеләре белән очрашты, анда район благочинные Федор җитәкчелегендә православ дине әһелләре, мөхтәсиб Рәфкат хәзрәт җитәкчелегендә мәчетләрнең имамнары чакырылган иде.

9 сентябрьдә шәһәр халкы һәм кунаклар Собор мәйданында Лаеш шәһәре көнен билгеләп уздылар. Бәйрәм чараларында район башлыгы Михаил Афанасьев һәм Татарстан мәдәният министры Айрат Сибагатуллин катнашты. Рус торак пункты буларак Лаеш үзенең тарихын 1557 елдан башлаган һәм бүген аңа 459 яшь тулды.

Бүген, Лаеш шәһәре көнендә, Лаеш районының гражданлык актларын теркәү бүлегендә район Башкарма комитеты җитәкчесе Михаил Фадеев тантаналы рәвештә 5 гаиләгә ана капиталына сертификатлар тапшырды.

Лаеш шәһәренең район мәдәният йортында Балык Бистәсе районы сәнгать үзешчәннәре катнашындагы концерт узды. Кунакларны район башлыгы урынбасары Илгизә Тимиршина сәламләде. Исегезгә төшерәбез, 7 сентябрьдә шундый ук концерт Лаеш районы артистлары катнашында Балык Бистәсендә үткән иде.

Хәерби авылында “Туган авылым” бәйрәме узды. Авыл җирлеге башлыгы Минзәлия Минбаева барысын да бәйрәм белән котлады, шулай ук авылның үсеше өчен күп көч түккән күп кенә авылдашларны атап китте. Аларга ул Рәхмәт хатлары һәм кыйммәтле бүләкләр тапшырды. Мәдәни чараларны авыл клубы һәм китапханәсе әзерләде. Күңелле җырлар яңгырады, шигырьләр укылды, халык биергә генә торды.

Балык Бистәсендә мәдәни яктан тәҗрибә уртаклашу максатыннан Балык Бистәсендә Лаеш районы үзешчәннәренең концерты узды. Анда Нармонка, Сокуры, Урта Девятово, Кече Елга, Рождествено авылларыннан коллективлар, шулай район мәдәният йорты катнашты. Район хакимиятен район башлыгы урынбасары Илгизә Тимиршина тәкъдим итте, ә катнашучыларны район мәдәният йорты директоры Алмаз Якупов җитәкләде

Никольское авылында Россия Дәүләт Думасы депутатына кандидат Равил Хөснуллиның халык белән очрашуы булды. Анда район башлыгы урынбасары Илгизә Тимиршина катнашты. Равил Хөснуллин үзе, республика ирешкән нәтиҗәләр, үзенең планнары турында сөйләде. Авыл халкы аңа сорауларын да бирде. Равил Хөснуллин Бөтенроссия халык фронтының Татарстандагы бүлегенең Башкарма комиттеы җитәкчесе булып тора.