ЯҢАЛЫКЛАР


8
август, 2014 ел
җомга
Августның беренче атнасы район терлекчеләре өчен эзсез узмады. Яуган яңгырлар көтүлекләргә сусыллык өстәде. Бу кайбер фермаларда терлекләрнең продуктлылыгы артуга китерде. Аларның күпчелеге узган елның шушы вакыты белән чагыштырганда савым буенча плюста. Җәйге лагерьда асрау чорында киләчәктә дә сөт арту тотрыклы булсын өчен авыл хуҗалыгы һәм азык-төлек идарәсе белгечләре терлекләрне өстәмә тукландыруга күбрәк игътибар бирергә тәкъдим итәләр. Моның өчен бүгенге көндә һәр хуҗалыкта мөмкинлекләр бар.

7
август, 2014 ел
пәнҗешәмбе
Район авыл хуҗалыгы һәм азык-төлек идарәсеннән алынган мәгълүматлардан күренгәнчә, район буенча бүгенге көнгә 14400 тонна бөртекле уңыш җыеп алынган. Район буенча бер гектардан уртача 20,3 центнер уңыш чыга. Арышның бер гектарыннан 18,4 центнер, көзге бодайдан 25,9 центнер, борчакның һәр гектарыннан 16,1 центнер уңыш җыела. Урып-җыю эшләре барлык мәйданның 30 процентында төгәлләнгән.
“Татнефть” компаниясе Татарстанның профессиональ рәссамнары арасында Бөек Җиңүнең 70 еллыгына багышланган конкурс игълан итә.
ТР Икътисад министрлыгы 2014 елның гыйнвар- июнь айларына муниципаль берәмлекләрнең социаль-икътисади үсеш рейтингын игълан итте. 
Аннан күренгәнчә, гомуми рейтингта беренчелек Казан шәһәрендә. Әлмәт муниципаль районы – икенче, Лаеш районы өченче урында
Районда Комлы Кавал-Орлов-Тарлаш автомобиль юлы төзелеп бетте. Автомобиль юлы V техник категория нормативы буенча проектланган һәм төзелгән. Асфальт-бетон түшәлгән яңа юлның озынлыгы 5,013 км тәшкил итә. Әлеге юл Тарлаш авылыннан төбәк әһәмиятендәге автомобиль юлларына чыгу мөмкинлеге бирә. Хәзерге вакытта авылда 59 кеше яши.


25 августта Тинчурин театры тамашачылар тарафыннан иң яраткан спектакльләреннән берсен  - "Кияүләр" комедиясен (Х.Вахит) уйный.
Яңа  образецтагы медицина иминиятлеге полисын алгач, Татарстан Республикасы дәүләт һәм муниципаль хезмәтләр Порталында шәхси кабинетта мәгълүматлашны сакларга кирәк.
Татарстан Республикасы дәүләт һәм муниципаль хезмәтләр Порталында бүгеннән башлап “Генерирующая компания” тәкъдим иткән җылылык энергиясе өчен абонент түләүләрен башкарып була

Быел мәгариф һәм фән хезмәткәрләренең традицион август киңәшмәсе Байлар Сабасында узачак

“Россия аллеясе” Бөтенроссия акциясе кысаларында, республика символына теге яки бу агач өчен 25 меңнән артык татарстанлы тавыш биргән, дип хәбәр итә ТР Урман хуҗалыгы министрлыгы.
Бу тавыш бирүдә юкә (32 процент) һәм имән (28 процент) лидерлык итә

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International