ЯҢАЛЫКЛАР
Татарстан Республикасының авыл районнары арасында рус шашкасы буенча ярышлар кысасында шимбә көнне, 1 апрельдә Лаеш шәһәренең “Кама” спорт комплексы базасында районның авыл җирлекләре, Лаеш шәһәренең оешмалары һәм предприятиеләре арасында район беренчелеге үткәреләчәк. Команда составында ике кеше (2001 елгыдан яшь булмаган 1 ир кеше, 1 хатын-кыз). Чара 10 да башлана. Барыгызны да катнашырга чакырабыз!
Бүген “Казан” милли-мәдәни үзәктә Татарстан Республикасының территориаль сайлау комиссияләре җитәкчеләре һәм муниципаль район, шәһәр округларында сайлау процессы өчен җаваплылар белән «Выборы в единый день голосования 18 сентября 2016 года: итоги, проблемы. Задачи и пути совершенствования деятельности избирательных комиссий при проведении выборов Президента Российской Федерации в 2018 году» темасына ТР үзәк сайлау комиссиясе башлыгы Экзам Гобәйдуллин рәислегендә киңәшмә үтте. Чарада Лаеш районыннан делегация катнашты: башлык – район Советы рәисе урынбасары Татьяна Борһанова, район Советы аппараты җитәкчесе Илнар Хантимеров, районның территориаль сайлау комиссиясе рәисе Елена Сюнина һәм ТСК әгъзасы Рунар Хамаев.
Ташкирмән мәктәбенең 7 сыйныф укучылары һәйкәл янындагы территорияне кардан чистартырга ярдәм иттеләр. Балалар үзләренең сыйныф җитәкчеләре Сидорова Ирина Васильевна җитәкчелегендә дус һәм тату эшләделәр.
29 мартта А.П.Малышев исемендәге “Отечество” клубы тәрбияләнүчеләре самбо буенча К.И.Сәйфуллинов исемендәге ачык турнирда катнаштылар. Ул Казан шәһәренең “Ракета” балалар һәм үсмерләр спорт мәктәбендә булды. Анда Столбище авылыннан Иван Романов үз авырлык категориясендә 1 урын алды.