ЯҢАЛЫКЛАР
2020 елның 24 декабрендә Зәй районының аучылык хуҗалыкларында (Карамалы, Багряж, Елхово) кабаннардан алынган пробаларның мониторинг тикшеренүләрендә АЧС булуы ачыкланды.
2020 елның 25 декабрендә африка дуңгыз чумасы диагнозы расланган.
Татарстанда каникуллар чорында мәктәп яны лагерьлары эшли башлаячак. Алар санитар-эпидемиологик шартларны үтәү белән эшләячәк.
Яңа ел бәйрәмнәре уңаеннан Россия Почтасы бүлекләренең һәм КФҮ филиалларының эш графиклары үзгәрде. Шулай итеп, 31 декабрьдә бөтен ил буенча почта бүлекләре бер сәгатькә иртәрәк ябыла. Тәүлек буе эшли торган бүлекләр 1 гыйнварда 10.00 сәгатьтә эшли башлаячак, ә калган бүлекләр өчен 1, 2 һәм 7 гыйнварда ял көннәре булачак.
Татарстанда халыкка спорт һәм физкультура белән шөгыльләнергә, спортчыларга югары нәтиҗәләргә ирешергә барлык шартлар тудырыла. Бу хакта бүген ТР Премьер-министры Алексей Песошин “Ел спортчысы - 2020” тантанасында белдерде.
Фәрит Мөхәммәтшин партиянең яңа әгъзаларына партия конкурсларында һәм проектларында җиңүчеләргә һәм җирле бүлекләрнең алдынгы активистларына дипломнар, шулай ук партия билетларын тапшырды, дип хәбәр итә ТР Дәүләт Советы матбугат хезмәте.
Бүген Кече Кабан авылында авыл җирлеге Башкарма комитетының яңа бинасы ачылды. Авыл халкын һәм хакимиятне яңа бинага күчүләре белән котларга «Татарстан муниципаль берәмлекләре Советы» Ассоциациясе рәисе Әгъзам Гобәйдуллин һәм Лаеш районы Башлыгы Илдус Зарипов килде.
М-12 яңа трассасын төзү М-7 юлын бушатырга һәм Казаннан Мәскәүгә кадәр юл вакытын шактый киметергә мөмкинлек бирәчәк. Бүген бу хакта Татарстан Республикасы Президенты Рөстәм Миңнеханов федераль һәм республика массакүләм мәгълүмат чаралары вәкилләре белән традицион Яңа ел алды матбугат конференциясендә белдерде.
Якшәмбе, 27 декабрьдә, иртәнге сәгать алтыда Татарстан Республикасы Авыл хуҗалыгы һәм азык-төлек министрлыгы республика халкын быел төгәлләүче авыл хуҗалыгы ярминкәсенә чакыра. Бәйрәм ярминкәләре Казанда, Түбән Камада, Чаллыда һәм Яшел Үзән районының Октябрьский поселогында («Яңа Тура»сәүдә-ярминкә комплексы) узачак. Яңа ел алдыннан шәһәр халкы ит, казылык продукциясе, төрле сөт, сыр, май, йомырка, яшелчә, бал, шикәр, он, ярмалар һәм Татарстан муниципаль районнарыннан китерелгән башка фермер продукциясен сатып ала алачак.
Татарстан Республикасында һәр бишенче почтальон мобиль почта-касса терминалы белән җиһазландырылган,аның ярдәмендә республика халкы барлык счетларын түли һәм өйдән чыкмыйча гына кирәкле товарлар сатып ала ала. 2020 елның 11 аенда Россия Почтасы клиентлары мобиль терминаллар аша 2,5 млн. сумнан артык түләү керткәннәр. Иң зур өлеш – түләүләрнең 90% ы – торак-коммуналь хезмәтләр өчен түләүгә туры килде.
Бүген Татарстан Республикасы Президенты Рөстәм Миңнеханов Татарстан Республикасы мәгариф һәм фән министры Илсур Һадиуллинга яңа мәктәп автобусларыннан символик ачкыч тапшырды.