ЯҢАЛЫКЛАР
Бүген Лаешның тернәкләндерү үзәгендә тернәкләндерү үтүче балалар һәм үсмерләр арасында «Минута славы» талантлар конкурсы үтте.
Чара барышында яшь артистлар тамашачыларны искиткеч җырлары, биюләр куелышы, шигырьләрне тәэсире һәм сәнгатьле укулары белән шатландырдылар. Балаларның һәр чыгышы тамашачыларның көчле алкышларына күмелде.
Габишево авылы китапханәсендә әдәби кичәдә “Китап сандыгы“ түгәрәгендә катнашучылар драматург һәм язучы Евгений Львович Шварцның тууына 120 ел булуны билгеләп үттеләр. Әкиятчене исән чагында ук гасырның иң яхшы драматургларының берсе дип атаганнар, ә үлгәннән соң аның исеме балачак, игелек һәм ярату символына әйләнә.
Г.Р. Державин исемендәге Лаеш ягы музее Г.Р. Державин исеме белән бәйле мемориаль урыннар буенча туристик маршрут эшләде. Лидер-Казан туристлык фирмасы Татарстан Республикасының әдәби урыннары буенча маршрут оештырды. Һәр чәршәмбе саен Россиянең төрле төбәкләреннән туристлар Лаеш районына килә, аннан соң Чистай шәһәре белән танышалар.
Бүген Усады авылы янында Лаеш районы һәм Казан шәһәре чигендә урнашкан “Спортивная“ станциясе“ торак комплексы проектын тәкъдир итү булды.Чарада Лаеш районы башлыгы Михаил Афанасьев, ICL КПО ВС генераль директоры Виктор Дьячков һәм “Сувар девелопмент“ генераль директоры Андрей Мочалов катнашты.
19 ноябрьдә Лаеш шәһәрендә район мәдәният йортында күп кенә бөтенроссия һәм республика конкурслары лауреаты, вокал һәм фортепьяно классы буенча сәнгать мәктәбе укытучысы, безнең артистыбыз Анастасия Федосееваның "В кругу друзей" дип аталган сольный концерты була. Чара 19.00 дә башлана, керү ирекле. Программада аның укучылары чыгышлары да бар. Барыгызны да концертка чакырабыз!
20-22 октябрьдә Казан шәһәренең “Ак барс“ көрәш сараенда ТР авыл хуҗалыгы һәм азык-төлек министрлыгы призларына көрәш буенча Авыл хуҗалыгы һәм эшкәртү сәнәгате хезмәткәре көненә багышланган XXI шәхси-команда республика ярышлары үтте. Анда Лаеш районы командасы гомуми исәптә 52 мөмкин булганнан 7 урынны яулады. Без спортчыларыбызны котлыйбыз!
Лаеш районында “Россия почтасы“ ФГУПның логистик почта үзәге төзелеше актив алып барыла. Ул “Казан“ халыкара аэропортыннан ерак түгел урнашкан. Аның мәйданы 36 мең кв.м. тәшкил итә, аларның 20 мең “квадраты“ склад биналарына бүленгән.
Кичә, 2016 елның 24 октябрендә, Казан шәһәре экскурсия фирмалары вәкилләре Лаеш муниципаль районына килделәр. Экскурсия фирмалары җитәкчеләре визитының төп максаты Лаеш ягы тарихы һәм әлеге юнәлештә туризм үсеше перспективалары белән танышу иде. Кунаклар Г.Р.Державин исеме белән бәйле мемориаль урыннар белән таныштылар. Экскурсия программасына Сокуры, Егорьево авылларына бару, Г.Р.Державин исемендәге Лаеш ягы музеенда, Лаеш шәһәренең Сугышчан дан музеенда булу кертелгән иде.
Район Советының Зур залында кичә район башлыгы Михаил Афанасьев рәислегендә “эшлекле дүшәмбе“ киңәшмәсе үтте. Узган атнадагы оператив хәл турында РФ ЭЭМның Лаеш районы бүлеге начальнигы Олег Бондарев сөйләде. Алга таба Россия федераль миграция хезмәтенең ТР идарәсе бүлек начальнигы Ленар Хәмитов киңәшмәдә катнашучыларны агымдагы елның тугыз аенда бүлек эше нәтиҗәләре белән таныштырды. Лаеш РУПСы начальнигы Марина Артемьева 2017 елның беренче ярты елына газетага язылу кампаниясе барышы турында сөйләде. Аннан соң район Советы аппараты җитәкчесе Илнар Хантимеров агымдагы елның 24 октябреннән 30ына кадәр район Советының һәм башкарма комитетының эш планын тәкъдим итте.
Киңәшмәнең икенче өлеше район җирлекләре башлыклары белән булды, анда да гражданнар мөрәҗәгатьләре карап тикшерелде.
ТР Лаеш районы матбугат хезмәте
Ял көннәрендә 1926 елда туган тыл хезмәтчәне, хезмәт ветераны Банницына Надежда Михайловна үзенең 90 яшьлек юбилеен билгеләп үтте.
Җылы өй атмосферасында, Надежда Михайловна кызының, улының һәм ике оныгының кайгыртуы һәм игътибарында яши, Россия Федерациясе Президентыннан котлаулар һәм Лаеш муниципаль район башлыгы Михаил Афанасьевтан бүләкләр тапшырылды.