ЯҢАЛЫКЛАР
Лаеш районында урнашкан “Рамаевское” фермер хуҗалыгында этләр өчен азык җитештерә башлыйлар. Продукцияне үрдәк итеннән һәм фаршның сөякле калдыгыннан ясыйлар. Азык алты төрле булачак, хәзер аның техник таныклыгы өстендә эшлиләр.
Лаеш һәм Столбище урта мәктәпләренең өлкән сыйныф укучылары һөнәр сайлау кысаларында Бауман исемендәге Казан дәүләт ветеринария медицинасы академиясендә булдылар.
Лаеш көрәшчеләре Әлки районының ачык турнирында уңышлы чыгыш ясадылар.
Көрәш буенча ярышлар күп тапкыр Сабантуйлар батыры Талип Яруллин истәлегенә багышланды. Турнирда Татарстанның җиде районыннан 100 дән артык спортчы катнашты.
Тренерлар Илнур Гарипов, Фәрит Гаязов, Риназ Гарипов, Рәсим Хисамов һәм Рәмис Илһамов тәрбияләнүчеләре аерылып торды. Үзләренең авырлык һәм яшь категорияләрендә Рамазан Сибгатуллин, Габделфәт Хәйруллин, Әнвәр Гарипов, Рафис Зарипов һәм Рафик Гюласарян көмеш медальләр яулады. Даниял Шабаев, Илназ Зарипов, Салават Вәлиев, Рамазан Вәлиев, Разил Исхаков, Даниф Гарипов һәм Инсаф Мәннапов бронза призерлар булды.
Республикада 15 апрельдән 15 июньгә кадәр “Татарстанның чиста урманнары“ экологик акция үткәрелә.
Акциянең максаты – безнең “яшел үпкәләрнең“ яхшы санитар-экологик хәлен саклау. Ике айлык кысаларында урман массивларын чүптән чистарту буенча шимбә өмәләре үтәчәк. Шулай ук беседкалар, мәгълүмати паннолар, щитлар һәм аншлагларга кирәкле ремонт ясалачак.
Авыр атлетика буенча Татарстан Республикасы беренчелегендә Лаешның 1 нче гимназиясе укучысы Константин Миронов җиңү яулады.
Лаеш районында чираттагы тапкыр янгын куркынычсызлыгы сиганлизацияләрен кую буенча күпбалалы гаиләләрнең йорт һәм фатирларында янгын куркынычсызлыгы турында кисәтү максатыннан рейд оештырылды. 6-7 апрельдә УНД ГУ МЧС идарәсенең Лаеш районы буенча күзәтү эше бүлеге җитәкчесе Е.В.Фомин, янгын куркынычсызлыгы буенча Лаеш районы участогы белгече Г.Ю.Гайнутдинов, Гаилә һәм балаларга социаль ярдәм бүлеге җитәкчесе, “Кама ягы” газетасы хәбәрчесе янгынның иң беренче белеп алу җиһазы куенлган 10 күпбалалаы гаиләдә булдылар. Гаиләләрнең һәр әгъзасы белән янгын куркынычсызлыгы буенча инструктаж, куркынычсызлык техникасы кагыйдәләрен куллану буенча әңгәмә уздырылды.
Ташкирмән авылы мәктәбендә гомуми ата-аналар җыелышы булды. Анда ФАП фельдшеры Галина Гурьевна Ануфриева һәм психолог Ксения Вячаславовна Фомина чакырылган иде. Барлык сораулар аңлаешлы итеп бирелде. Җыелышка бик күп ата-ана килде, барысына да рәхмәт белдерәбез.
Хәерби авылында яшәүче Бөек Ватан сугышы ветераны тол хатыны, тыл хезмтчесе Камилә Хәбибулловна Хәлилова үзенең 90 яшьлек юбилеен уздырды. Әлеге гомер бәйрәме белән аны чәчәкләр һәм бүләкләр белән Лаеш район башлыгы урынбасары Илгизә Тимиршина һәм Хәерби авыл җирлеге башлыгы Минзәлия Минбаева тәбрикләде. Ныклы сәламәтлек һәм озын гомер теләп, аңа Россия Президенты Владимир Путин исеменнән открытка, Лаеш районы башлыгы Михаил Афанасьев исеменнән открытка белән бүләкләр тапшырылды.
7 апрель – Бөтендөнья сәламәтлек көне. Сәламәтлек – ул һәр кеше өчен генә түгел, барлык җәмгыять өчен бәясез халәт. Очрашуларда без якыннарга ныклы сәламәтлек телибез, чөнки ул тулы һәм бәхетле тормышның нигезе булып тора. Сәламәтлек үзебезнең планнарны тормышка ашырырга, авырлыкларны узарга ярдәм итә. Аны кайгырткан кеше озын гомерле була. “Алтын көз” исемле халыкка социаль хезмәт күрсәтү комплекс үзәгендә дәваланучылар, олы яшьләрендә дә карамастан, белгечләр ярдәме белән, сәламәт яшәү образы алып барырга тырышалар. Алар саф һавада чаңгы таяклары белән йөриләр, Агашин тренажерлары кулланалар. Әлеге кешеләрнең 100 гә кадәр дә, аннан да күбрәк яшәргә мөмкинлекләре бар.
7 апрель – Сәламәтлек көне. Бу көнне Комлы Кавәл авылы мәктәбендә спорт бәйрәме узды. Ул барлык укучылар өчен күнегүләрдән башланып китте. Башлангыч сыйныфлар өчен күңелле стартлар узды, ә югары сыйныфлар баскетбол уйнады. 1-4 сыйныф укучылары “Сәламәт булу яхшы!” агитбригадасы чыгышлары ясады. Һәр сыйныфлар да “Сәламт яшәү образы” дигән газета чыгарды.