Муниципаль районнар Лаеш муниципаль районы

ЯҢАЛЫКЛАР

сентябрь, 2015 ел

пәнҗешәмбе

Республика агросәнәгать комплексының яшь хезмәткәрләре арасында «Һөнәре буенча иң яхшы» конкурсына гаризалар кабул ителә

2015 елның 30 - 31 октябрендә 2011-2015 елларга «Татарстан Республикасы авыл яшьләре» озак сроклы максатчан программасын гамәлгә ашыру кысаларында Татарстан Республикасы аграр яшьләр берләшмәсе төбәк иҗтимагый оешмасы Татарстан Республикасы Авыл хуҗалыгы һәм азык-төлек министрлыгы белән берлектә Республика агросәнәгать комплексының яшь хезмәткәрләре арасында «Һөнәре буенча иң яхшы» һөнәри осталык конкурсы үткәрә.

Россиядә пенсия яше 2016 елдан артырга мөмкин

РФ Финанслар министрлыгы 2016 елдан башлап пенсия яшен арттырырга тәкъдим итә, чөнки 2018 елда Резерв фондында һәм Илкүләм иминлек фондында акча бетәсен фаразлый, дип яза «Ведомости» газетасы.

Юбилейнаяда тагын бәйрәм

Узган җомгада, Лаешның шәһәр статусы алуы уңае белән тантаналар барган бәйрәм көнне, район үзәгендә социаль программалар кысаларында төзелгән тагын 24 квартирлы бер яңа йорт үз ишекләрен ачты.

Халык игътибарына!

Пенсия фонды идарәсе искәртә: федераль ташламага ия кешеләрнең 1 октябрьгә кадәр социаль хезмәтләр җыелмасыннан баш тарту турында гариза, яки әлеге хезмәтләрне натураль формада алуны яңарту турында гариза бирү мөмкинлеге бар. Бирелгән гариза киләсе елның 1 гыйнварына кадәр гамәлдә булачак.

Яман шеш белән авыручы балаларны дәвалау өчен акча җыябыз

Анжела Вавилова исемендәге фонд һәм Татарстан ЗАГС идарәсе шундый инициатива белән чыкты. Алар уртак “Для добрых дел от любящих сердец“ хәйрия акциясе уздыралар.

Ирекле ярдәм Лаеш районы башкарма комитетының ЗАГС бүлегендә кабул ителә, анда акча җыю өчен йөрәк рәвешендәге тартма урнаштырылган. Инде беренче взнослар бар. Мохтаҗларга ярдәм кулы сузыйк.

Икенче балалары туган гаиләләр күбрәк

Лаеш районында 2015 ел башыннан 224 сабый туган. Аларның 84е – гаиләдә беренче бала, 92 се – икенче бала, 48е - өченче яки аннан күбрәк. Дүрт гаиләдә икешәр игезәк бала туган. Яшь әти-әниләр авырлыклардан курыкмыйлар һәм икенче һәм өченче бала “алып кайталар“: статистика күрсәткәнчә, икенче балалары туган гаиләләр күпчелекне тәшкил итә.

сентябрь, 2015 ел

сишәмбе

ЗАГС бүлеге Яңалыклары.

ГХАТ бинасында онкология белән авыручы балаларга ярдәм итү өчен куелган җайланмага Семеновлар, Зиятдиновлар, яшь әти Парамонов А.В. һәм башка күп кенә Лаешлылар үзләреннән өлеш керттеләр. Алар барысы да бу авыру балаларга ярдәм кулы сузып, йөрәк җылысын, игелек бүләк иттеләр. Анжела Вавилова фонды һәм ГХАТ идарәсе барлык катнашучыларга рәхмәт белдерә.

Лаешта һөнәри юнәлеш буенча тест үткәрү мобиль үзәге эшләде

Булачак һөнәрне сайлау – җаваплы эш, чөнки бу карар алдагы тормышка тәэсир итә. Өлкән сыйныф укучыларына дөрес сайлауда ярдәм итү-тест үткәрү мобиль үзәгенең максаты шундый.

Кабагы да кабагы

Лаеш пенсионерлары Бурцовлар бакчасында быел кабак көнләп түгел, сәгатьләп үсә. Үлчәмнәр күрсәткәнчә, кайберләренең әйләнәсе ике метрга җитә, ә авырлыгы 25 килограммнан артык. Бакча хуҗалары әле моның соңгы сан булмавына ышаналар.

Штрафлардан качып котылып булмый

Административ штрафлар салу турындагы карарны үтәмәү зур проблемаларга китерергә мөмкин.

Административ штраф салыну турындагы карар закон көченә кергән көннән алтмыш көн эчендә ул түләнергә тиеш. Алай эшләмәгәндә бу түләнмәгән суммадан ике тапкыр артык административ штраф салуга китерә, әмма бер мең сумнан ким түгел, яки унбиш тәүлеккә кадәр административ кулга алу, яки илле сәгатькә кадәр мәҗбүри эшләр билгеләнә.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ