ЯҢАЛЫКЛАР
Урманнарда янгын чыгу куркынычының югары классы барлыкка килү сәбәпле, ТР Министрлар Кабинетының 15.06.2021 ел, №456 карары нигезендә, Татарстан Республикасында 16 июньнән башлап 21 календарь көне дәвамында гражданнарга урманнарда йөрү тыела. Чикләүләр республиканың урман фонды җирләрендә урнашкан урманнарга карата билгеләнә.
Бүген Татарстан Республикасы Президенты Рөстәм Миңнеханов Ташкентка эш сәфәре кысаларында Үзбәкстан Президенты Шәүкәт Мирзиев белән очрашты.
Татарстан Президенты аңа Россия-Үзбәкстан мөнәсәбәтләре кысаларында Татарстан белән хезмәттәшлекне үстерүгә игътибар һәм ярдәм күрсәткәне өчен рәхмәт белдерде.
Лаешта депутатлар корпусы сайлаучылар белән очрашты. Чарада VII чакырылыш Дәүләт Думасы депутаты Ирек Богуславский, VI чакырылыш Татарстан Дәүләт Советы депутаты Дмитрий Самаренкин һәм Лаеш районы Башлыгы Илдус Зарипов катнашты.
Очрашу район мәдәният йортында узды.
Татарстан Республикасы буенча Россия Пенсия фонды бүлеге хәбәр иткәнчә, коляскадагы инвалидларга махсус урыннар белән җиһазландырылган шәһәрара поездларга онлайн-билетлар сатып алу мөмкинлеге туды. «Россия тимер юллары» мәгълүмат системасының инвалидларның Федераль реестры (ФРИ) белән интеграциясе нәтиҗәсендә интернет аша билетлар рәсмиләштергәндә мондый опция узган айдан барлыкка килде.
Татарстанда Covid-19 инфекциясе артырга мөмкин. Яшьләр ешрак авырый башлады, яңа мутацияләрне дәвалау өчен дарулар икеләтә доза кирәк. Бу хакта Татарстан сәламәтлек саклау министры Марат Садыйков Министрлар кабинетында узган брифингта сөйләде.
Бүген Казанда аз керемлеләр өчен яңа кайнар ризык пункты ачылды. Хәйрия проектының инициаторы-Россия Дәүләт Думасы депутаты Ирек Богуславский.
Илдус Зарипов гражданнарны шәхсән кабул итте. Җир-мөлкәт мөнәсәбәтләре, торак-коммуналь хуҗалыгы һәм башкалар буенча фикер алыштылар.
Исегезгә төшерәбез, район башлыгы һәр сишәмбе саен кабул итә.
Лаеш үзәк хастаханәсендә медицина хезмәткәре көнен билгеләп үттеләр. Сәламәтлек саклау хезмәткәрләрен бәйрәм белән Башкарма комитет җитәкчесенең беренче урынбасары Андрей Карсалов һәм РҮХнең баш табибы Елена Коробова котладылар.
Татарстанның Төзелеш, архитектура һәм торак-коммуналь хуҗалык министры Марат Айзатуллин һәм район Башлыгы Илдус Зарипов «Лаеш төене»территориясен нәтиҗәле үзләштерү мәсьәләсе буенча фикер алыштылар. Бу хакта Төзелеш министрлыгының Матбугат хезмәте хәбәр итә.
Бүген Казан Кремлендә Татарстан Республикасының Дәүләт Киңәшчесе, Россиянең Хезмәт Герое Минтимер Шәймиев Ингушетиянең беренче Президенты, Советлар Союзы Герое Руслан Аушевка, “Эшлекле бергәлек” эшкуарлыкка ярдәм фонды генераль директоры Аббас Аббасовка һәм Россия товар җитештерүчеләр берлеге президенты Олег Сосковецка “ТАССРның 100 еллыгы” медальләрен тапшырды.