ЯҢАЛЫКЛАР

Өч ел элек безнең Лаеш җире ягыбыз өчен гадәти булмаган хайваннарның беренче төркеменең даими яшәү урынына әйләнде.

Бүген Травкино авылы читендәге дөя фермасында тулы бер көтү, алар күпсанлы кунакларны үзләренең сәер булулары һәм уңай йогынтылары белән генә түгел, дөя үрчетү продукциясе белән якыннан танышу мөмкинлеге булу белән дә җәлеп итә. Тормыш күрсәткәнчә, бу кызыклы бизнесның беренче өлеше дә, икенчесе дә килүчеләрдә зур кызыксыну, ихтыяҗ уята.

Сулыш системасының, организмның башка системалары кебек, үзенең саклану механизмнары бар.

Вәсилә Бутузова, үзәк район хастаханәсе баш табибы урынбасары.

Минзәләдә 18-20 яшьлек үсмерләр арасында билбау көрәше буенча Татарстан беренчелеге узды. Ярышларда республиканың 18 районыннан 120 спортчы катнашты. Лаеш районыннан анда билбау көрәше буенча Россия спорт мастеры Алинә Проворова чыгыш ясады, аның тренеры – Е.Г.Михайлова. Ярышларның нәтиҗәсе нигезендә Алинә 58 килограммлы үлчәү категориясендә беренче урынны яулады. Апрельдә Башкортостанда узачак Россия беренчелегендә ул безнең районыбыз һәм республиканы тәкъдим итәчәк.

23 мартта Чаллы шәһәренең №78 лицеенда “Пушкин укулары” дип аталган Бөтенроссия иҗат конкурсының республика этабы булды. Анда Лаеш районының Пәрәү урта гомумбелем бирү мәктәбенең 6 сыйныф укучысы Азат Әхмәтсафин ( җитәкчесе – Г.Г.Бадрутдинова) III дәрәҗә дипломга лаек булды.

Районның Пенсия фонды идарәсе исегезгә төшерә, 2016 елның 1 апреленнән дә соңга калмыйча, еллык кереме 300 меңнән артып киткән шәхси эшмәкәрләр Пенсия фондына шуның 1% түләргә тиеш.

Хәбәрләшү өчен телефон: 2-57-95, 2-50-44

Бүген районның Башкарма комитеты җитәкчесе техниканың язгы ташуга әзерлеге белән танышты. Тракторлар, грейдерлар, микроавтобуслар, медицина машиналары, самосваллар, квадроцикллар, көймәләр Лаеш шәһәренең урап узу юлы буенча тезелгәннәр иде. Монда барлык районнан янгынга каршы, медицина һәм урман куркынычсызлыгы хезмәте, юл һәм коммуналь хезмәтләр, элемтәчеләр техникасы җыелды. Хәтта мобиль тукландыру машинасы да бар иде, ә ул гадәттән тыш хәлләр вакытында бик кирәкле авто. Тикшереп чыкканнан соң, Михаил Фадеев техника язгы ташуга әзер дигән нәтиҗә чыгарды.

Бер ай элек Инстаграммда Лаеш районының рәсми аккаунты теркәлгән иде. Анда район тормышының иң мөһим һәм кызыклы яңалыклары белән танышырга мөмкин. Бу вакыт эчендә язылучыларның саны күзгә күренеп үзгәреп барды. 22 мартта “Лаеш муниципаль районының Инстаграммдагы юбилей язылучысы” исемле ачык конкурс игълан ителгән иде

21 мартта Лаеш шәһәрендәге “Салават күпере” балалар бакчасында гомуми ата-аналар җыелышы узды, анда актуаль сораулар күтәрелде. Чарада чыгыш ясадылар:

-сәламәтлек саклау өлкәсе белгече, балалар табибы Миләүшә Солтановна Хөсәенова “Туберкулез профилактикасы” темасы буенча;

Лаеш балалар йортында тәрбияләнүчеләр янына Казандагы бизнес-класстагы Екатерина Салихованың «Art Inspires» матурлык студиясеннән чәчтарашлар килде. Екатерина Салихова чәчтарашлар арасында уздырылган дөнья чемпионатында бронза яулаган кеше. Аның белән бергә балалар янында останың даими клиентлары – Светлана һәм Сергей Кармазиннар да булды. Тәрбияләнүчеләр әлеге кирәкле һөнәр белән якыннанрак танышты һәм профессионаллар кулыннан чәчләрен кистертә алды.

27 мартта Лаеш районының барлык авыл җирлекләрендә үзара салым кертү һәм аның акчаларын куллану буенча референдум узачак. Һәр авыл җирлегендә бу көнне сату һәм концерт программасы оештырылачак. Участок комиссияләре иртәнге 7 дән эшли башлый. Хөрмәтле райондашлар! Сезне участок сайлау комиссияләрендә көтеп калабыз!