ЯҢАЛЫКЛАР
Хөрмәтле Лаеш районы халкы!
Сезгә район эчендә 30га якын торак пунктка кагылучы өч автобус маршруты эшли башлавын хәбәр итәбез:
Бүген Атабай авылында капиталь ремонттан соң мәдәният йорты ачылды. 1984 елда төзелгән бина тулысынча яңартылды һәм хәзер этномаршрут кысаларында Россиянең һәм дөньяның барлык почмакларыннан туристлар кабул итәргә әзер. Әлеге маршрутка Никольский (рус мәдәнияте), Ташкирмән (керәшен мәдәнияте) һәм Атабай (татар мәдәнияте) авыллары керә. 200 кешелек клубтан тыш, бинада авыл халкы өчен мөһим булган почта, китапханә, “Саклык банкы” һәм авыл җирлеге башкарма комитеты да урнашкан.
Лаеш муниципаль районының “Алтын көз” үзәге гаиләгә һәм балаларга ярдәм итү бүлегендә Яңа елга әзерлек бәйрәмгә кадәр үк башланды. Үзәк белгечләре социаль хезмәт күрсәтүдә торучы балалар белән Кыш Бабайга балалар үтенечләре белән хатлар әзерләделәр.
Казан шәһренең «Трудовые резервы» стадионында тимераякта шуу спорты буенча «Олимпийские надежды» турниры булды. Анда Коломна, Саратов, Муром, Ульяновск, Чабаксар, Новочебоксарск, Яр Чаллы, Яшел Үзән, Казан шәһәрләреннән, шулай ук Кайбыч һәм Лаеш районнарыннан 200 дән артык спортчы катнашты.
Комплекслы балалар-үсмерләр спорт мәктәбе йөзүчеләре 2018 елны чираттагы җиңүләр белән төгәллиләр. Спортның су төрләре сараенда үткән Кыш Бабай призына ачык Республика ярышларында безнең кызлар Гыйззәтуллина Карина 100 м баттерфляй дистанциясендә беренче һәм Живописцева Софья ирекле стильдә 800 м дистанциясендә икенче урын алдылар. Спортчылар һәм тренерны котлыйбыз!
Бүген Лаеш районы мәдәният йортында яңа ел алды “эшлекле дүшәмбе”се үтте. РДК залында район Советы һәм башкарма комитеты, шулай ук район предприятиеләре һәм оешмалары җитәкчеләре һәм хезмәткәрләре җыелды. Район башлыгы Михаил Афанасьев коллегаларын якынлашып килүче Яңа ел белән котлады.
Кышкы популяр уен – таудан һава тутырылган чана-тюбинглар, халыкта аларны “ватрушка” диләр, ял итүнең иң җәрәхәтле төрләренең берсе булып тора.
Медицина статистикасы буенча, ашыгыч медицина ярдәме табиблары һәр көнне “ватрушка”ларда шуганда зыян күргәннәрдән шактый санда чакырулар кабул итәләр һәм бу чаралар белән тау шуганда иң еш очракта балалар зыян күрә, алар җәрәхәтләр, сынулар һәм хәтта баш мие селкенүләр алалар.
Лаеш районы “Туризм лидеры - 2018” республика конкурсында «Содействие развитию туристского рынка Республики Татарстан в области муниципальной туристской политики - 2018» номинациясендә җиңүче булды.
Бүләкләү бүген ТР Премьер-министры урынбасары Ләйлә Фазлиева һәм ТРның туризм буенча Дәүләт комитеты рәисе Сергей Иванов катнашында Казан ратушасында үтте.
“Бердәм Россия” партиясенең Татарстан төбәк бүлеге фикере буенча Лаеш районы мәшгульлек үзәге директоры Татьяна Пучкова ел лидеры дип аталган. Аңа бүләкне бүген “Бердәм Россия”нең Татарстан бүлегенең төбәк сәяси советының XIX утырышы барышында төбәк бүлеге секретаре, ТР Дәүлшт Советы рәисе Фәрит Мөхәммәтшин тапшырды. Котлыйбыз!
Бүген ТР сәнәгать һәм сәүдә министрлыгында Татарстанның җилкәнле спорт федерациясе РСОО Попечительләр советы утырышы үтте, анда узган елга йомгак ясалды һәм 2019 елга җилкәнле спорт буенча спорт ярышлары Календаре расланды. Попечительләр советы рәисе – ТР сәнәгать һәм сәүдә министрлыгы башлыгы Альберт Кәримов. Утырышта Попечительләр Советы әгъзасы сыйфатында Лаеш районы башлыгы Михаил Афанасьев та катнашты. Исегезгә төшерәбез, Федерация җилкәнле спорт буенча “Кама диңгезе” Бөтенроссия ярышларын оештыручыларның берсе булып тора, алар ел саен Лаешта уза.