ЯҢАЛЫКЛАР
Район мәдәният йортында Лаеш шәһәрендә Кама яр буен төзекләндерү турында иҗтимагый фикер алышуы булды.
28 февральдә “Сокуры мәктәбе” МБОУ базасында Г.Р.Державин исемендәге Лаеш ягы музее хезмәткәрләре «Героям – салют Родины!» күчмә чарасы үткәрделәр. Балалар өчен Бөек Ватан сугышының һәм Сталинград бәрелешләренең кырыс сынауларын узган Лаеш районы геройлары турында сөйләргә әзерләнгәннәр иде. Мәктәп укучылары кызыксынып түбәндәге осталык сәгатьләрендә катнаштылар: «Письма с фронта», «Красная звезда» һәм Җирдәге тынычлык һәм бәхет өчен һәлак булганнарны искә алып бер минут тын тордылар.
Алда торган Россия Президентын сайлау хөрмәтенә ТР Аграр яшьләр берләшмәсе яшьләр эшләре һәм спорт министрлыгы ярдәмендә “Президент кичләре” республика интеллектуаль-күңел ачу уены үткәрә, ягъни Лаеш шәһәрендә яңа “Битва умов” көтелә.
25 февральдә Балтачта киокушин каратэ буенча Татарстан Республикасы Беренчелеге үтте.
Татарстан Республикасының муниципаль һәм дәүләт хезмәтләре сайтында “Халык контроле” дәүләт мәгълүмати системасы эше турында хәбәр итәбез. Анда гражданнар алкоголь продукциясе әйләнеше өлкәсендә бозу фактлары турында хәбәр итә алалар һәм әлеге мәгълүмат расланган очракта гражданга акчалата бүләк бирелергә тиеш. Акчалата бүләк ачыкланган бозуның төренә карап бер мең сумнан өч мең сумга кадәр тәшкил итә.
Лаеш районы Кече Елга авылыннан Тәнзия Садриева ел саен Миланда (Италия) Халыкара мех Федерациясендә үткәрелүче яшь дизайнерларның халыкара конкурсында катнашты. Ул анда үзенең Ремикс мех эшләнмәләре коллекциясен тәкъдим итте. Ул үзенең дизайнерлык эшчәнлегенә һәрьяклап ярдәм итүе өчен Лаеш районы башлыгы Михаил Афанасьевка рәхмәтен белдерә.
23-25 февральдә Нурлат шәһәрендә 2002-2003 елгы егетләр һәм кызлар арасында самбо буенча республика ярышлары үтте. Анда Татарстан Республикасы районнары һәм шәһәрләреннән 20дән артык команда катнашты. Лаеш районын турнирда Лаеш шәһәре ДЮСШы тәрбияләнүчеләре тәкъдим итте. 38 кг авырлык категорисендә Стелла Мосунова 1 урын алды, 52 килограммга кадәр авырлык категориясендә Арина Медвежонкова 3 урын, 60 килограммга кадәр авырлык категориясендә Эльвина Кәримова 3 урын, 70 килограммга кадәр үлчәү авырлыгында Диана Минвәлиева 1 урын алды. Спортчыларның тренерлары Роберт Борһанов һәм Ранил Галиәкбәров.
Бүген Байлар Сабасы шәһәр тибындагы поселокта яшьләр арасында Ватанны саклаучылар көненә багышланган киберфутбол буенча турнир узды.
“Бүген бездә могҗиза булды” дип хәбәр итә ТР Лаеш районы Татар Сараланы авылыннан Наилә Җиһаншина @nailiazigan. Бер тавык гарәп телендә “Аллаһ” дип язылган йомырка салган. Әлеге хуҗалыкта бу инде икенче очрак, беренчесе 10 ел элек булган. Ул чакта Наилә әле үзе гарәпчә укый белмәгән һәм белгечләргә мөрәҗәгать иткән. Һәм менә бүген иртән тагын бер могҗиза. Сүз уңаеннан хуҗалыкта 20 тавык бар.
23 февральдә Лаеш районының Кече Елга авылында «Кремонини групп» итальян компаниясе вәкилләре килде: «Оренбиф» ҖЧҖ директоры Марино Курра, «Агросакмара Башкирия» ҖЧҖ директоры Фабрицио Ванди, «Иналка»ның техник белгече Пьетро Нарделла. Аларны Лаеш районы башлыгы Михаил Афанасьев, ТР авыл хуҗалыгы һәм азык-төлек министры урынбасары Нәҗип Хаҗипов, районның авыл хуҗалыгы һәм азык-төлек идарәсе начальнигы Марсель Мотыйгуллин, «Просто молоко Агро» ҖЧҖ генераль директоры Гомәр Закиров.