ЯҢАЛЫКЛАР
Кадерле дуслар! 2 мартта Лаеш шәһәрендә район мәдәният йортында татар эстрадасы йолдызы Гүзәл Уразова концерты була. Башлана 19 сәгатьтә, билет бәясе 400 сум.
2017 елның 25-26 февралендә Кострома өлкәсенең Волгореченск шәһәрендә кумитэ, ката һәм ката-группа дисциплиналарында каратэ Кекусинкай буенча Россия Лигасы беренчелеге үтте. Ярышларда Россиянең 10 төбәген тәкъдим итүче 28 шәһәрдән 400дән артык спортчы катнашчы. Анда катнашкан Комлы Ковали авылының “Дружба” спорт-ял үзәге тренеры Сабитов Тимур Зөфәр улы 2 урын алды. Лаеклы бүләк белән котлыйбыз!
Һәркем начар гадәтләрнең күп кенә авырулар сәбәбе булуын аңларга тиеш. Алар эшкә сәләтлелекне киметәләр, гомер озынлыгын кыскарталар, булачак балалар сәламәтлегендә негатив төстә чагылалар, физик һәм психологик бәйлелек китереп чыгаралар. Никотиннан яки алкогольдән тыелып торганда нидер җитмәгән кебек хис туа.
Лаеш районының “Алтын көз” халыкка социаль хезмәт күрсәтүнең комплекслы үзәге социаль хезмәткәрләре түбәдән кар һәм боз төшү белән бәйле бәхетсезлек очракларын кисәтү максатыннан үзләре хезмәт күрсәтүче гражданнар белән түбәдән кар төшкәндә иминлек чаралары турында аңлату әңгәмәләре үткәрәләр.
Комлы Ковали мәктәбендә ГТО нормативларын тапшыру буенча муниципаль этап үтте. Иң көчлеләр һәм җитезләр мәктәп данын районның ГТО фестивалендә яклаячак.
Бу көнне Россия ЭЭМның Татарстан Республикасы Лаеш районы ЮХИДИ бүлеге хезмәткәрләре Зәйнуллина Гөлшат Айрат кызы һәм Николаев Владимир Вячеславович балалар бакчасына кунакка килде. Алар тамашачылар гына түгел, ә балаларны юлда үзеңне имин тотарга өйрәтү буенча чаралар катнашучылары да булды.
2017 елның 22 февралендә Пенсия фондының Лаеш районы идарәсе бинасында Пенсия фондының Татарстан Республикасы бүлеге управляющие урынбасары Елена Полякова гражданнарны шәхсән кабул итте.
Планлаштырылган кабул итү турында мәгълүмат “Кама ягы” газетасы битләрендә һәм Лаеш муниципаль районының рәсми сайтында урнаштырылган иде. Нәтиҗәдә кабул итүгә 4 граждан язылды. Елена Петровна барлык язылганнарның да кызыксындырган сорауларына җавап бирде.
Кабул итү йомгаклары буенча шуны әйтергә була: бүген районда яшәүчеләрне федераль социаль өстәмә түләү билгеләү, эшләүче пенсионерлар пенсиясен индексацияләү, пенсияне яңа пенсия законнары буенча исәпләү кебек темалар кызыксындыра.
Үз визитының икенче өлешендә Елена Полякова идарәнең җитәкче составы белән эшлекле киңәшмә үткәрде.
23 февральдә Лаешның “Радуга” балалар бакчасында Ватанны саклаучылар көненә багышланган “Ягез әле, әтиләр!” спорт бәйрәме үткәрелде. Чара күңелле һәм дустанә булды. Әтиләр актив иделәр, үзләрен төрле яктан үскән итеп күрсәттеләр: алар мавыгучан, биремнәргә иҗади якын килделәр һәм бик канәгать калдылар.