ЯҢАЛЫКЛАР

Комлы Ковали балалар бакчасында авыл китапханәсе китапханәчесе Космонавтика көненә багышланган танып-белү сәгате үткәрелде. Мәктәпкәчә яшьтәгеләрне искиткеч «Малышам о звездах и планетах» китабы белән таныштырдылар. Алар шулай ук йолдызлар турында күп нәрсә белделәр, Киек каз юлы галактикасында булдылар, кояш системасы планеталарына бардылар. Һәм барысы бергә шундый нәтиҗәгә килделәр: беренче космонавт Ю.А.Гагарин җирне космостан күргәндә: “Ул нинди матур!” дип сокланганда хаклы булган.

Татарстан халыклары съездына туры китерелгән “Татарстан – безнең уртак йортыбыз” этномәдәни эстафетаны оештыру һәм үткәрү кысаларында 2017 елның 13 апрелендә 9.30 сәгатьтә Үзәк китапханәдә язучылар – Фоат Галимуллин, Ольга Левадная – 2007 елда Державин премиясе лауреаты, Нәбирә Гыйматдинова белән очрашу була. Теләге булган һәркемне чакырабыз!

11 апрельдә Державино авылы китапханәсендә мәктәп укучыларының тыл хезмәтчәне Хәбибуллина Мәрьям Хәбибулла кызы белән очрашуы булды. Балалар ветеранның сугыш вакытының кыенлыклары турында сөйләвен игътибар белән тыңладылар. Алар күп сораулар бирделәр, сугыш турында шигырьләр сөйләделәр. Мәрьям Хәбибулла кызы сугыш еллары һәм тылдагы авыр хезмәт турында күз яшьләре белән сөйләде. Бу очрашу анда катнашучыларның барысында да дулкынлану һәм җылылык калдырды.

11 апрельдә Столбище авылы китапханәсе китапханәчеләре мәдәният йорты хезмәткәрләре белән берлектә Белла Ахмадуллинаның тууына 80 ел тулуга багышланган чара үткәрделәр.

Лаеш ягы музее хезмәткәрләре Лаешның 2нче мәктәбенең 3нче сыйныф укучылары өчен "Хлеб - всему голова" чарасы оештырды. Очрашуда балалар икмәкнең барлыкка килү тарихы, аның безнең өстәлдә ничек барлыкка килүе белән таныштылар. 

Биектауда 8 апрельдә республиканың авыл районнары арасында шашка буенча ТР чемпионаты төгәлләнде.

Ярышларда 25 команда катнашты. Һәр команданың составы – 4 кеше, шул исәптән 3 ир-ат һәм 1 хатын-кыз. Лаеш районы данын Шәрәпов Рәшит, Жантимиров Амамбай, Шәрифуллин Фәрит һәм Шәрифуллина Гүзәлия яклады. Алар мөмкин булган 36 очкодан 19,5 не җыеп 7 нче гомумкоманда урынны яуладылар.  

Лаешның үзәк балалар китапханәсе хезмәткәрләре Бөтендөнья сәламәтлек көне уңаеннан 1нче гимназиянең 4 “а” һәм 3 “б” сыйныфлары укучылары өчен "Я здоровье берегу - сам себе я помогу" сәламәтлек дәресе үткәрделәр. 

Район Советының зур залында район башлыгы Михаил Афанасьев рәислегендә ”эшлекле дүшәмбе” киңәшмәсе үтте. Утырыш Санкт-Петербург шәһәре метросында теракт нәтиҗәсендә һәлак булганнарны искә алып бер минут тын торудан башланды.

Сокуры авылы китапханәсендә орден ияләре кичәсе булды. Аңа Лаеш районының “Алтын көз” халыкка социаль хезмәт күрсәтү комплекслы үзәге карамагындагы Нина Ефимовна Афанасьева һәм совхозның элекке директоры, Мактау билгесе ордены белән бүләкләнгән Әнәс Әлмөхәммәт улы Бәширов чакырылган иде.  

5 апрельдә Лаешның мәдәният йортында Советлар Союзы Герое  Кузнецов Борис Кириллович белән очрашу өчен мәктәпләр укучылары, техникум студентлары, педагоглар җыелды. Герой исемен ул 17 яшендә алган.

Шәһәр яшьләре тере тарих, легендар кеше белән аралашты. 90 яшендә дә Борис Кириллович оптимист булып кала, яшь буын белән зур патриотик эш алып бара.