ЯҢАЛЫКЛАР
2017 елның 22 февралендә 10 нан 12 сәгатькә кадәр Лаеш шәһәре, Космонавтлар урамы, 2 йорт адресы буенча Пенсия фонды идарәсендә ПФРның Татарстан Республикасы бүлеге управляющие урынбасары Полякова Елена Петровна пенсия белән тәэмин итү мәсьәләләре буенча гражданнарны шәхсән кабул итү үткәрә.
Комлы Ковали мәктәбендә парламент дәресе уза. Тарих һәм җәмгыять белеме укытучысы Зөфәр Кәримулла улы Шәйхетдинов укучыларны ТР парламенты эше һәм Татарстанның 2030 елга кадәр үсеш стратегиясе белән таныштыра.
Үзәк китапханәдә Россиядә интернационалист сугышчыларны искә алу көненә багышланган “Из пламени Афганистана” китап күргәзмәсе оештырыла. Анда әлеге тарихи факт турында әдәбият белән җентекләбрәк танышырга була.
Үзәк китапханәдә герой шагыйрьнең тормышы һәм иҗатына багышланган “Жизнь – песня» китап күргәзмәсе оештырыла. Җәлил тормыштан иртә китә, әмма күп нәрсә әйтергә өлгерә.
Игътибар! Һава шартлары уңай булмау сәбәпле, Лаеш шәһәрендә “Россия чаңгы юллары-2017” не үткәрү 18 февральгә күчерелә. Кадерле дуслар! Сезнең ярышларга яхшырак әзерләнү мөмкинлеге барлыкка килде. Ярышларны үткәрү урыны – Горький урамы һәм әйләнмә юл кисешкән урын (“ТАИФ-НК” АЗСы янында).
Кадерле дуслар! 27 февральдә Лаешның район мәдәният йортында балалар иҗатының “Мини-мисс – 2017” район конкурсының сайлап алу туры була. Катнашырга теләүчеләргә ашыгырга кирәк, чөнки гаризалар 15 февральгә кадәр кабул ителә. Конкурсның 8 мартта булачак финалында Лаеш районының иң яхшы катнашучылары очрашачак. Зур балның принцессасы бул!
Лаеш спортчысы Россиянең иң яхшы 15 спортчысы арасына керде. 2017 елның 30 гыйнварыннан 5 февраленә кадәр Яшел Үзән шәһәрендә 2000 елгы егетләр һәм кызлар һәм аннан яшьрәкләр арасында (18 яшькә кадәр) авыр атлетика буенча Россия беренчелеге үтте.
7 февральдә республика районнары буенча гадәттәге “Хәтер маршы” яшьләр походы старт алды. Быел ул РТ ОСОАВИАХИМ РОСТО ДОСААФ оборона оешмасы оешуга 90 ел тулуга багышлана.
Лаеш шәһәренең 2нче мәктәбендә Лаеш районы җитәкчеләре рус теленнән БДИ тапшырды. “Әти-әниләр тарафыннан БДИ тапшыру көне” акциясендә район башлыгы Михаил Афанасьев, мәгариф идарәсе начальнигы Эльмира Абутдинова, финанс-бюджет палатасы рәисе Елана Галиева, район башкарма комитеты җитәкчесе урынбасары Виктор Тябин, район Советы аппараты җитәкчесе Илнар Хантимеров, Кече Елга авыл җирлеге башлыгы Лилия Кыямова, Сокуры авыл җирлеге башлыгы Анатолий Новиков, ЛТЭТ директоры Павел Кореев, Лаеш үзәк район хастаханәсенең баш табибы Елена Коробова, 1нче гимназиянең математика укытучысы Наталья Ефремова (кызы Лаеш шәһәренең 1нче гимназиясендә укый) катнашты. Акция үткәрүнең төп бурычы әти-әниләр җәмәгатьчелеген бердәм дәүләт имтиханнары тапшыру процедурасы белән таныштыру.