ЯҢАЛЫКЛАР
18 февральдә Актаныш районында мәгариф системасы хезмәткәрләре спартакиадасы булды. Безнең физик культура укытучысы Буров Сергей Александрович теннис буенча 1 урын алды. Ура!!!
Ташкирмән мәктәбенең тимурчылары үзләренең игелекле эшләрен дәвам итәләр. Бу юлы алар олы яшьтәге һәм ялгыз яшәүче әби – Касарева Пелагея Степановнаның йорты тирәсендәге территорияне кардан чистарттылар. Афәрин, 6 сыйныф!
Комлы Ковали мәктәбендә физика укытучыларының район семинары булып узды. Аның темасы: “Укучыларны физика буенча йомгаклау аттестациясенә әзерләү системасы”.
9 февральдә Бакчасарай районы башлыгы Рефат Дердаров җитәкчелегендәге Кырым Республикасы делегациясе рәсми визит белән Лаеш районында булды. Аларны район башлыгы Михаил Афанасьев озатып йөрде. Алар безнең районның социаль-мәдәни учреждениеләре һәм предприятиеләре эшчәнлеге белән таныштылар.
18 февральдә Лаеш шәһәрендә “Россия чаңгы юллары-2017” булды, анда 500дән артык катнашучы үзләренә спорт бәйрәме ясады. Аларга сәламләү сүзе белән район башлыгы Михаил Афанасьев мөрәҗәгать итте. Шулай ук VIP-узыш та булды, анда Лаеш районы җитәкчеләре катнашты. Финишка беренче булып район Советы аппараты җитәкчесе Илнар Хантимеров килде, Александровка авыл җирлеге башлыгы Виталий Германов икенче, ә район мәдәният йорты директоры Алмаз Якупов өченче урын алды.
2017 елның 13 февраленнән 18енә кадәр Усады прогимназиясендә Туган тел атналыгы үтә, аның кысаларында укучылар һәм тәрбияләнүчеләр стена газеталары, рәсемнәр әзерләделәр, "Знаток Родного языка" викторинасында катнаштылар, "Современные поэты и писатели Татарстана" шигъри кичә үткәрделәр. Әлеге вакыйгаларга бай атнаның йомгагы “Татар егете” конкурсы булды, анда прогимназия укучылары һәм тәрбияләнүчеләре актив катнашты.
Һәр чорда да вакытлы матбугат битләреннән үткәннең картиналары торгызыла, чөнки китап язылу вакыты белән аның дөньяга чыгуына кадәр еллар уза. Шул ук вакытта газеталарда бу ара көннәр белән санала. Шуңа күрә нәкъ менә вакытлы матбугатта вакыт сулышы шулкадәр нык сизелә. Иске газеталар – алар узган чорның шаһитлары һәм алар теләсә кайсы китапханәнең горурлыгы булып тора.