ЯҢАЛЫКЛАР
Кадерле дуслар! 12 декабрьдә Лаешның район мәдәният йортына 3D кинотеатр килә!!! Зур экран, бик яхшы сыйфат, попкорн һәм кола!
Бу көнне 2003 елда коррупциягә каршы БМО Конвенциясенә имза куела. 9 декабрьдә белем бирү учреждениеләрендә коррупциягә каршы көрәш темасына чаралар үтә. Бүген 1нче гимназиядә коррупциягә каршы көрәш мәсьәләләре буенча район башлыгы ярдәмчесе Зарина Каюмова катнашында коррупциягә каршы көрәш көненә туры китерелгән чара булды. Укучыларга тема буенча фильм күрсәттеләр. 1 гимназиянең 3 сыйныф укучысы Петрова Екатерина, сыйныф җитәкчесе Е.В.Маслова, үзенең коррупциягә каршы көрәш тематикасына ясалган рәсемен тәкъдим итте.
Лаеш шәһәрендә инвалидлар ункөнлеге кысаларында мөмкинлекләре чикләнгән кешеләр арасында «Две звезды» фестивале үтте. Анда 100дән артык кеше катнашты. Фестивальне оештыручы Зөһрә Лезина аны үткәрүдә ярдәме өчен Лаеш муниципаль район башлыгы Михаил Афанасьевка рәхмәт белдерә.
Лаеш үзәк район хастаханәсенең участок педиатры Марина Егорова районның иң яхшы балалар докторы дип табылган. “Минем яраткан балалар табибым” республика конкурсында аның белән бергә бар Татарстаннан 980 табиб катнаша. Алар “Корстон”га чакырыла, анда аларга аквапаркка билетлар, дипломнар һәм 2017 елга календарьлар тапшыралар. Бу календарьларда үзләренең яраткан докторларын яклап ясаган балалар рәсемнәре һәм алар адресына фикерләр турланган.
Район Советы аппараты җитәкчесе Илнар Хантимеров һәм Лаеш муниципаль районы матбугат хезмәте җитәкчесе Рәсим Хаҗиев Имәнкискә авылында булдылар. Урта мәктәп базасында “Имәнкискә – әкияти шәһәрчек” проект-конкурсына әзерләнү һәм үткәрү буенча киңәшмә үтте.
Казан шәһәренең Г.Камал исемендәге театрында яшь башкаручыларның “Татар моңы” халыкара телевизион конкурсы гала-концерты булды. Ул ТР Президенты Рөстәм Миңнеханов патронажында үтә. Анда район башлыгы Михаил Афанасьев та булды.
Музыкаль сәнгать иҗатының «ВОСТОЧНАЯ СКАЗКА» IV халыкара конкурс-фестивалендә ГАЛКИНА ПОЛИНА (Кабан авылы, укытучысы СУХАРЕВА ИЛСӨЯ ХӘСӘН кызы) һәм ФӘТТАХОВА ЗӘЛИЯ (Лаеш, укытучысы ФАТЫХОВА РОЗА САУБАНОВНА) I дәрәҗә лауреат булдылар. ДМИТРИЕВ БОГДАН һәм САФИУЛЛИН РАМАЗАН (Кабан авылы) II һәм III дәрәҗә лауреат исеменә лаек дип табылды. ЗӘЙНИЕВА МИЛӘҮШӘ (Лаеш) конкурс дипломанты булды.
ГЫЙНИЯТОВА АЗАЛИЯ (укытучысы Фатыхова Р.С.) «The lights of Kazan» заманча популяр музыка башкаручыларның VIII халыкара яшьләр музыкаль фестиваль-конкурсында II дәрәҗә лауреат булды.
Бүген Сокуры авыл җирлегенең авыл китапханәсендә Түгәрәк өстәл утырышы оештырылды, анда Сокуры авыл җирлеге башлыгы Анатолий Новиков, ветераннар советы рәисе Анна Колесникова, социаль хезмәткәр Гөлназ Галләмова һәм мөмкинлекләре чикләнгән гражданнар катнашты. Утырышта мөмкинлекләре чикләнгән гражданнар проблемаларына кагылышлы мәсьәләләр карап тикшерелде һәм авыл җирлеге башлыгыннан җаваплар алынды.
Лаеш районы башлыгы Михаил Афанасьев “ТАТМЕДИА” АҖ һәм шәхсән аның генераль директоры Андрей Кузьмин башлаган “Язылу бүләк ит-2017” акциясен яклады. Район башлыгы Лаеш шәһәре почта бүлегенә махсус килде һәм Лаеш балалар йортын, интернат мәктәпне һәм инвалид балалар өчен тернәкләндерү үзәген балалар һәм үсмерләр газета-журналларына яздырды
Район башлыгы Михаил Афанасьев Польша татарлары берлегенең PR-белгече Мансур Адамович белән очрашты. Алар уртак хезмәттәшлек перспективалары турында фикер алыштылар. Хәзерге вакытта якташыбыз Лондонда яши, әмма якын арада Татарстанга күчеп кайтырга планлаштыра, чөнки үз тормышын татарлар Ватаны белән бәйләргә тели. Моның өчен Мансур Адамович Лаеш районы территориясен сайларга уйлый.