ЯҢАЛЫКЛАР
Бүген “Алтын көз” халыкка комплекслы социаль хезмәт күрсәтү үзәгенең гаиләгә һәм балаларга социаль ярдәм күрсәтү бүлеге белгечләребалигъ булмаган балалар белән сәламәт яшәү рәвешенә багышланган “Яшьләр наркотикларга каршы” күчмә спорт чарасы үткәрделәр. Ул Лаеш муниципаль районының «Липки» балалар сәламәтләндерү-белем бирү лагеренда үтте.
Урта Девятовоның урта мәктәбендә һәм «Пчелка» балалар бакчасында капиталь ремонт 90%ка тәмамланды.
Мәхмүт Гәрәев исемендәге Габишево мәктәбе директоры Марта Бадамшина һәм Габишево авыл җирлегенең ветераннар Советы рәисе Зөфәр Шәйхетдинов легендар совет һәм россия хәрби начальнигын, отставкадагы армия генералы Мәхмүт Гәрәевны 95 яшьлек юбилее белән шәхсән котладылар. Моның өчен алар Мәскәүгә, Россия кораллы көчләренең Генераль штабына махсус килделәр.
Лаеш шәһәреннән Соль-Илецкка уңайлы автобуста бару оештырыла
Бүген район Советының зур залында район башлыгы Михаил Афанасьев рәислегендә “эшлекле дүшәмбе” киңәшмәсе булды.
Лаеш районы делегациясе Самара өлкәсе Мирный поселогындагы шефлыкка алынган #34244 76 хәрби частенда булды. Монда бу язда чакырылган 13 лаешлы егет тантаналы төстә хәрби ант кабул итте. Тантанага солдатларның әти-әниләре һәм туганнары килде, егетләр хезмәткә җибәрелгәннән соң беренче тапкыр якыннарын күрделәр.
Лаеш районына эш визиты белән Ташкент өлкәсе авыл һәм су хуҗалыгы идарәсе начальнигы Ботир Алимбеков җитәкчелегендә Үзбәкстан делегациясе килде. Аларны ТР авыл хуҗалыгы һәм азык-төлек министры урынбасары Нәҗип Хаҗипов озатып йөрде.
Бүген район башлыгы Михаил Афанасьев Лаешта яшәүче Бөек Ватан сугышында катнашкан Камалетдинов Абдулгалим Ибраһим улы янына барды. Ул аңа «За доблестный труд» медале һәм бүләкләр тапшырды. Район башлыгы белән бергә ветеран янына Лаеш шәһәре башкарма комитеты җитәкчесе Илшат Тимербаев, хәрби комиссар Александр Афанасьев, районның социаль яклау бүлеге начальнигы Елена Сюнина, районның ветераннар Советы рәисе Рашат Булатов та килде.
Лаеш шәһәре яр буенда гадәттәге VI “Кама диңгезе – 2018” җилкәнле регата ябылу тантанасы булды. Җиңүчеләрне һәм турнир призерларын район башлыгы урынбасары Татьяна Борһанова, ТРның җилкәнле спорт федерациясе идарәсе рәисе Вадим Трофимов һәм башкалар бүләкләде.
2018 елның 1 июнендә «Об адресной социальной поддержке населения в Республике Татарстан» турындагы Татарстан Республикасы Законына кертелгән үзгәрешләргә ярашлы төстә, җитмеш яшькә җиткән һәм өлкәнрәк яшьтәге ялгыз яшәүче эшләмәүче торак бина ияләренә, шулай ук пенсия яшендәге (ир-атлар – 60 яшь, хатын-кызлар – 55 яшь) эшләмәүче гражданнардан гына торган гаилә составында яшәүче җитмеш яшькә җиткән һәм өлкәнрәк яшьтәге торак бина ияләренә күпквартирлы йортта гомуми милеккә капиталь ремонтка взносларны түләү өчен чыгымнарга компенсация бирелә.