ЯҢАЛЫКЛАР
Лаеш районы эчке эшләр бүлегенең ветераннар Советы рәисе Олег Татьянкин җирле хокук саклау органнарына актив ярдәме өчен район башлыгы Михаил Афанасьевка «100 лет советской милиции» медален тапшырды.
Халыкара инвалидлар көне кысаларында Лаеш районы “Алтын көз” халыкка комплекслы социаль хезмәт күрсәтү үзәге базасында мөмкинлекләре чикләнгән кешеләр җәмгыятенең Түгәрәк өстәле утырышы һәм отчет-сайлау конференциясе булды.
Ункөнлекнең өченче көнендә башлангыч сыйныфлар укучылары Татарстан Республикасы буйлап сәяхәт ясадылар. Алар РСФСР гербы, Татарстан Республикасы гербы, флагы, гимны барлыкка килү тарихы белән таныштылар, ике дәүләт телендә яңгыраган гимнны тыңладылар. ТР дәүләтчелеге турында белемнәр дәрәҗәсен ачыклау максатыннан “Минем Республикам” темасына “Йолдызлы сәгать” үткәрелде.
Кем ул волонтер? Ул – игелек эшләргә ашыгучы кеше, ул кем дә булса ярдәмгә мохтаҗ булганда файдалы һәм кирәкле булырга ашыга.
Бүген Лаешның 2нче мәктәбе 8 сыйныф укучылары өчен Сугышчан Дан музеенда «И подвиг героев мы будем помнить свято!» музей дәресе үтте. Балалар Ватаныбызның героик үткәне, Ватан каршында хезмәтләре зур булган геройлар белән таныштылар.
Инвалидлар ункөнлеге кысаларында Лаеш районының “Алтын көз” халыкка комплекслы социаль хезмәт күрсәтү үзәгенең социаль хезмәткәрләре “Чиста йорт” акциясе үткәрделәр. Чисталык – ул шулай ук матурлык, яхшы кәеф гарантиясе, искиткеч сәламәтлек нигезе.
Бүген Лаешның мөмкинлекләре чикләнгән балалар һәм үсмерләр өчен тернәкләндерү үзәгендәге балалар өчен логопедлар «Передай тепло по кругу» интеграцияле дәрес әзерләделәр. Аның максаты – игелек һәм шәфкатьлелек тәрбияләү, коммуникатив сыйфатларны үстерү, эмоциональ кәеф булдыру, сөйләмнең лексик-грамматик сыйфатларны үстерү.
Үзәк балалар китапханәсенең мәктпкәчә һәм кече мәктәп яшендәге балалар өчен абонементында Самуил Яковлевич Маршак тормышына һәм иҗатына, аның тууына 130 ел тулуга багышланган «Большой сказочник для самых маленьких» дигән китап-иллюстрация күргәзмәсе тәкъдим ителә.
Лаешның тернәкләндерү үзәгендә бүген Лаеш шәһәренең “Балалар сәнгать мәктәбе” педагоглары тарафыннан оештырылган концерт программасы шул исем астында узды.
Казанда 2002-2006 елгы укучылар арасында йөзү буенча ТР беренчелеге үтте. Анда Лаеш районының комплекслы балалар һәм үсмерләр спорт мәктәбендә шөгыльләнүчеләр катнашты. Баттерфляй буенча 200 м дистанциядә Гыйззәтуллина Карина бронза призер булды. Ул баттерфляй стиле белән 100 метрлы дистанциядә дә өченче урын алды. Спортчының тренеры – Рәис Садыйков.