ЯҢАЛЫКЛАР

“Алтын көз” үзәгенең гаиләгә һәм балаларга социаль ярдәм күрсәтү бүлегендә “Игелек юлы белән” отряды волонтерлары белән “Кармакка эләкмә!” түгәрәк өстәле үтте.

Бүген наркотик бәйлелектән җәфаланучыларның берсе дә наркоман булырга планлаштырмаган. Аларның барысы да бу проблема аларга кагылмаячак дип ышанган. Берничә тапкыр кулланганнан соң да алар: “Мин көчле! Мин теләсә кайсы вакытта ташлый алачакмын!” дип кабатлыйлар.

9-12 мартта Воронеж шәһәрендә 1997-1999 елгы юниорлар һәм юниоркалар арасында билбаулы көрәш буенча Россия беренчелеге үтте. Ярышларда Башкортостан, Карачай-Черкесс республикалары, Төньяк Осетия, Волгоград, Чиләбе, Мәскәү, Рязань, Пермь, Тамбов, Татарстан Республикасы, Воронеж һәм Россиянең башка шәһәрләре спортчылары катнашты. Ярыш нәтиҗәләре буенча Татарстан командасы 1 урын алды. Әлеге ярышларда Лаеш районыннан 58 кг авырлык категориясендә Россиянең спорт мастеры Алина Проворова катнашты.

Чара кысаларында алып баручы балаларга Су көне барлыкка килү белән бәйле легенда сөйләде һәм аларны бәйрәмнең тарихы белән таныштырды. Чара барышында балалар табышмакларга җавап таптылар, җырлар җырладылар, викторина сорауларына җавап бирделәр, су турында мәкальләр һәм әйтемнәрне атадылар. Ахырдан “Су – су түгел”, “Бакалар” кебек уен конкурслары үткәрелде.

Үзәк китапханәдә Лаеш шәһәре һәм район җәмәгатьчелеге вәкилләре өчен Лаеш районы оешуның 90 еллыгына багышланган туган якны өйрәнү сәгате үтте. Монда килгәннәр Лаеш ягы тарихына мавыктыргыч сәяхәт ясадылар, районыбызның бүгенге хәле турында “Монда хыяллар тормышка аша” фильмын карадылар. Алга таба чарада катнашучыларга “Радушный, раздольный Лаишевский край” конкурс-уен программасы тәкъдим ителде. Викториналар, конкурслар һәм уеннар үткәрелде. Катнашучылар очрашу барышында, чәй өстәле артында хатирәләре белән уртаклашты һәм яраткан җырларын җырлады.

Бу көннәрдә Лаеш районының “Алтын көз”  халыкка социаль хезмәт күрсәтү комплекслы үзәге карамагындагы Маһинур Зыятдин кызы Насыйбуллина 80 яшьлек юбилеен билгеләп үтте. Аңа инде 6 елдан артык вакыт эчендә өйгә барып хезмәт күрсәтәләр.

Кече Елга авыл җирлеге буенча социаль хезмәткәр Гөлсинә Хәсәнова юбилярны бәйрәме белән котлады, бүләкләр тапшырды һәм нык сәламәтлек белән озын гомер теләде.

Хәйрия фестивале – Анжела Вавилова исемендәге фонд белән Казан шәһәренең Серафим Саровский мәхәлләсе якшәмбе мәктәбенең Казан шәһәре муниципаль берәмлеге башкарма комитетының мәдәният идарәсе ярдәмендә оештырылган  уртак проекты. Фестиваль кысаларында төп сәхнә мәйданчыгында шәһәрнең иң яхшы хореографик, вокаль, хор, театраль һәм фольклор коллективлары чыгыш ясады. Хәйрия фестиваленә Ташкирмән мәктәбенең Сабанаева Валентина Михайловна җитәкчелегендәге “Көмеш” балалар фольклор коллективы да чакырылган иде. Афәрин!

Бүген район Советының зур залында район башлыгы Михаил Афанасьев рәислегендә “эшлекле дүшәмбе” киңәшмәсе үтте. Узган атнадагы оператив хәл турында РФ ЭЭМның Лаеш районы бүлеге начальнигы Юрий Летучев доклад ясады. Аның сүзләре буенча, отчет чорда 4 җинаять эшләнгән, аларның 3е ачылган.

Лаеш муниципаль районында кече ветеринар белгечләрне өйрәтү тәмамланды. Аның теоретик өлеше техник-икътисад техникум базасында, практик өлеше “Хәерби” ЧҖҖ товарлыклы-сөтчелек фермасында үтте.

11 мартта Лаеш шәһәрендә Бөтенроссия ГТО физкультура-спорт комплексының зона фестивале булды. Лаеш районы командасы анда бик яхшы нәтиҗәләргә иреште һәм гомумкоманда исәбендә 1 урын алды.

12 мартта Лаеш районы МЧС хезмәткәрләре, ГИМС участогы, шулай ук ОСВОД бүлеге вәкилләре тарафыннан “Язгы чорда үзеңне суда имин тоту” темасына профилактик чара үткәрелде. Аның кысаларында белешмәлекләр таратылды һәм боз өстендә балык тотарга яратучылар белән әңгәмәләр үткәрелде. Барлыгы 150 кеше колачланды.