ЯҢАЛЫКЛАР
Лаеш районы башлыгы Михаил Афанасьев “Просто молоко Агро” ЧҖҖ генераль директоры Гомәр Закиров белән очрашты. Әңгәмәнең темасы Кече Елга авылында «Кремонини групп» итальян компаниясе проекты буенча мөгезле эре яшь терлек симертү буенча 6 мең башка заманча җитештерү тәзелеше булды. Киңәшмәдә шулай ук районның авыл хуҗалыгы һәм азык-төлек идарәсе начальнигы Марсель Мотыйгуллин һәм районның җир һәм милек мөнәсәбәтләре палатасы рәисе Нияз Нуретдинов катнашты.
«Реальное время» интернет-басманың аналитика хезмәте 2017 елның 9 ае өчен Татарстан муниципалитетлары үсеше рейтингын төзегән. Аны, элеккечә үк, Лаеш районы әйдәп бара. Чагыштырала торган 10 күрсәткечнең барысы буенча күрсәткечләрне кушканнан соң ул 367 балл алган. Чагыштыру өчен: рейтинг аутсайдеры 103 балл җыйган, ә 20-25 нче урыннарда урнашкан районнар 216 дан 201 гә кадәр балл алганнар.
27 гыйнварда Мамадыш шәһәрендә "SannyФест" креатив чаналар фестивале булды. Анда ТР районнарыннан 27 команда катнашты. Лаеш районы данын “Камские пираты” дип аталучы команда (Аграр яшьләр берләшмәсе) яклады. Алар өчен җан атарга районнның мәдәният бүлеге начальнигы Илнур Гайниев һәм “Созвездие-Йолдызлык” фестиваленең берничә тапкыр катнашучысы һәм җиңүчесе Полина Алешина барды.
Татарстанның муниципаль берәмлекләре арасында иң яхшы яңа ел чарасы һәм бизәлешкә конкурска йомгак ясалды.
Орел авылы китапханәсендә «Хорошие манеры в картинках и примерах» этикет дәресе үткәрелде. Чара барышында балалар этикет тарихы һәм әлеге сүзнең нәрсә аңлатуы турында белделәр, этикетның төп кагыйдәләре белән таныштылар. Китапханәче һәрбер өлкән һәм кечкенә кешегә бары укый, яза, саный белү генә җитмәве турында сөйләде.
Бу кешелек тарихының бар дәвамында иң озакка сузылган һәм куркыныч шәһәр камалышы. 900 көн диярлек кайгы-хәсрәт һәм җәфа чигү, кыюлык һәм фидакарьлек...
25 гыйнварда “Лира” клубы әгъзалары Пәрәү авылы китапханәсендә актер, җырлар авторы һәм башкаручы Владимир Высоцкийның 80 еллыгына багышланган "Его наследие - песни и стихи" әдәби-музыкаль кичәсенә җыелдылар. Китапханәче Р.Ф.Кәримова балаларны шагыйрьнең тормышы һәм иҗаты белән таныштырды, аның туганнары, якыннары, коллегалары хәтерендә нинди булып истә калуы турында сөйләде.
Комлы Ковали авылында һәм Лаеш шәһәрендә яшәүчеләр республика министрлыклары һәм ведомстволары хезмәткәрләренә кабул итүгә эләгә алдылар. Халык кабул итүне кеше хокуклары буенча вәкаләтле вәкил, Дәүләт Советы, Конституцион суд аппаратлары; ТР Президентының дәүләт-хокукый идарәсе һәм муниципаль берәмлекләр Советы вәкилләре алып барды.
Лаеш районы башлыгы Михаил Афанасьев район авыл хуҗалыгы предприятиеләрен йөреп чыкты. Аерым алганда, ул “Нармонка” хуҗалыгында, Сарапкин КФХда (Тангачи авылы) һәм Андреев КФХда (Сиңгел авылы) булды. Визит барышында мөһим мәсьәләләр турында фикер алышынды һәм конкрет максатлар куелды.
25 гыйнварда Г.Р.Державин исемендәге Лаеш ягы музеенда Казан Кремлендәге Бөек Ватан сугышы музей-мемориалы мөдире Михаил Черепанов һәм Сугышчан Дан ассоциациясе җитәкчесе Ринат Хәбибуллин белән очрашу булды. Өлкән буын кешеләре белән әңгәмә вакытында алар Бөек Ватан сугышында һәлак булганнарның истәлеген мәңгеләштерү буенча хәзерге вакытта эшләнгән эзләү эшләре турында сөйләделәр. Ахырдан Михаил Черепанов гаиләләренә сугыш кагылган кешеләрне кызыксындырган сорауларга җавап бирде.