ЯҢАЛЫКЛАР

Казанда “Державин укулары” дип исемләнгән Бөтенроссия шигърият фестивале башланды. Ул 2000 елдан бирле уздырыла, аның оештыручылары булып Татарстан республикасы Лаеш районы, Мәдәният министрлыгы, Язучылар берлеге һәм Милли музей тора. Лаеш районы хакимияте белән Татарстан Язучылар берлеге идарәчелеге белән берлектә шул ук елда Г.Р.Державин исемендәге премия булдырыла. Аның максаты – бөек якташыбызның хәтерен саклау. Әлеге премия язучылар тарафыннан иҗат ителгән иң яхшы әдәби әсәрләр өчен бирелә. 2009 елдан премия Бөтенроссиянекенә әверелде, аны инде Россиянең 27 язучысы алды. Быел аны 14 июльдә Лаеш шәһәрендә тапшырачаклар.

Бөтенроссия гаилә көннедә Рождествено авылы китапханәчесе Ю.М.Симонова “Капелька” дигән җирле балалар бакчасында булды. Алар бәйрәмнең тарихы турында күп нәрсә белделәр, аның символы булган ромашка белән таныштылар, шулай ук 8 июльдәге бәйрәмнең өстендә торучы – Петр белән Феврония турында мәгълүмат алдылар. Балалар шигырьләр укыдылар, табышмакларны чиштеләр, үзләренең гаиләләре турында сөйләделәр, “Әти булдыра...”, Әби өчен түгәрәк яса”, “Әнисе пешекчесе” дигән конкурсларда катнаштылар, физкультминутта ял иттеләр. Чара ахырында балалар әти-әниләре өчен “Гаилә баскычы” дигән панно ясадылар. Болар барысы да слайдлар белән узды.

“Булгария” теплоходы белән булган фаҗигага 5 ел узды. Анда Лаеш районыннан 6 кеше һәлак булды, өчесе исән калды. Кама Тамагы районы Сюкеево авылындагы матәм чарасында һәлак булучы һәм җәрәхәтләнүчеләрнең туганнары катнашты. Район башлыгы Михаил Афанасьев исеменнән аларга материаль ярдәм бүленеп бирелде. Алар район башлыгына ел саен Сюкеево авылына баруны оештырган һәм ярдәм иткәне өчен рәхмәтләрен белдерәләр.

Лаеш районы матбугат хезмәте

8 июльдә, гаилә, мәхәббәт һәм тугрылык көнендә Лаеш балалар тудыру йортында ике бала дөньяга килде – Дмитрий белән Кира. Дөньядагы иң зур могҗиза туды – планетабызда тагын да яктырак һәм җылырак булды һәм аларның туу хөрмәтенә күктә йолдызлар кабынды. Район Граңданлык акталрын теркәү бүлеге Иванов Сергей Вячаслав улы белән Кристина Александр кызы һәм Лещенко Ярослав Олег улы белән Алена

Вячаслав кызларының ике балаларын теркәп, парларга теркәү кәгазе һәм истәлекле бүләк тапшырдылар.

Бүген Татарстан Премьер-министры урынбасары – мәгариф һәм фән министры Энгель Фәттахов эшлекле сәфәр белән Лаеш районында булды. Аны район башлыгы Михаил Афанасьев каршы алды. Энгель Фәттахов Лаеш шәһәрендәге укыту учреждениеләрендә баручы ремонт һәм төзекләндерү эшләре белән танышты.

Явызлыкны, саранлыкны, ялкаулыкны, хезмәткә хөрмәтсезлекне, буш сүзлелекне фаш итүче А.Л.Бартоның шигырьләрендә бер генә буын тәрбияләнмәде. Үзәк балалар китапханәсе хезмәткәрләре әлеге шагыйрьнең иҗатына багыншланган “Балалачак шигырьләре” әдәби уены уздырды. Чараның катнашучылары – “Березка” балалар бакчасында тәрбияләнүчеләр.

Бима авылындагы чишмәдә суда Җомга Параскевасы иконасы пәйда булу көненә багышланган “Тугызынчы Җомга” дип псемләнгән концерт узды. Легендаларга күз салсак, авылда Ионовлар гаиләсеннән бер карт хатын яшәгән. Бервакыт Бимка елгасына төшкәч, ул Изге Параскева икноасы күрә. Авыл халкы моннан соң чишмә янында часовня төзеп куялар һәм анда 1557 елдан бирле руханилар эш алып барганнар. Бәйрәмдә алар тагын бер кат сүз тоттылар, моннан соң барысын да мәдәни программа көтте. Лаештан “Вдохновение” ансамбле автор Владимир Абросимовның “Биме турында” җырларын башкардылар.

Гаилә, мәхәббәт һәм тугрылык көне уңаеннан “Алтын көз” гаилә һәм балаларга социаль ярдәм күрсәтү бүлеге белгечләре белән ЗАГС хезмәткәрләре белән берлектә “Рябинка” балалар бакчасында чара узды. ЗАГС хезмәткәрләре әлеге бәйрәмнең чыгышы турында сөйләде, ә “Алтын көз” үзәге белгечләре бәйрәмнең символы булган ромашка белән фоторамка ясау буенча мастер-класс уздырдылар. Ахырда балалар үзләренең теләкләрен теләделәр һәм һавага төрле төстәге шарлар очырдылар.

Ел саен 8 июльдә гаилә, мәхәббәт һәм тугрылык көне билгеләп үтелә. Аны Владимир өлкәсе Муром шәһәрендә яшәүчеләр уйлап чыгарган. Нәкъ менә анда христиан никахы өстендә торучы изгеләр булып ирле-хатынлы Петр белән Феврония яшәгән. Бу көнне яраткан кешеңә иң зур бүләк булып ромашкалар бәйләме тора, чөнки ул аның символы. Бәйрәм уңаеннан Үзәк китапханәдә күргәзмә оештырылган, анда бәйрәм тарихы, изгеләр Петр белән Феврония эшчәнлеге турында белергә була, шулай ук гаиләнең роле, гаилә мөнәсәбәтләре кору, балаларны тәрбияләү турында китаплар белән танышырга була.

5 июльдә барлык мөселман дөньясы Ураза бәйрәмен билгеләп уза. Бу көнне мәчетләрдә Гает намазы укыла, хуҗабикәләр коймак пешерә, бәйрәм табыны әзерләнә һәм йортларда кунаклар җыела. Гает көне уңаеннан район башлыгы Михаил Афанасьев Олы Кабан авылы мәчетендә булды.