ЯҢАЛЫКЛАР

Лаеш шәһәре мәдәният йортында Лаеш балалар йорты тәрбияләнүчеләре өчен Иске Яңа елга багышланган бәйрәм чарасы булды. Тамаша дәвамында балаларны яраткан мультфильмнары геройлары шатландырды. Алар балалар өчен төрле конкурслар, викториналар, уеннар һәм, әлбәттә инде, күп кенә сюрпризлар әзерләгәннәр. Гадәттәгечә, бәйрәмдә катнашучылар барысы да шигырьләр сөйләделәр, җырлар җырладылар, биеделәр, ә Кыш бабай белән Кар кызы аларга тәм-томнар бирделәр. Балаларга кунакка район башлыгы Михаил Афанасьев та килде, ул аларны Иске Яңа ел белән котлады һәм яхшы теләкләр теләде. Аннан соң Лаеш балалар йортының һәр тәрбияләнүчесенә яңа ел бүләкләре тапшырылды.

Кадерле дуслар! Бүген, 13 гыйнварда “Иске Яңа ел” яңа ел тамашасы булачак: уеннар, җырлар, биюләр, әйлән-бәйлән. Бәйрәм чарасы 17 сәгатьтә Лаеш шәһәренең Үзәк чыршысы мәйданчыгында булачак. Барыгызны да иске Яңа елны бергә каршы алырга чакырабыз!
 

Бүген Комлы Ковали авылында яшәүче Валентина Слепнева 90 яшьлеген билгеләп үтә. Бөек Ватан сугышында катнашучының тол хатынын котларга район башлыгы урынбасары Илгизә Тимершина килде. Ул юбилярга РФ Президентыннан открытка, район башлыгы Михаил Афанасьевтан открытка, акчалата бүләк тапшырды. Илгизә Тимершина Валентина Ивановнага нык сәламәтлек, озын гомер, бәхет һәм якыннары мәхәббәтен теләде.

Лаеш районы ЗАГС бүлеге мәгълүматлары буенча, 2016 елда 127 туй булган, ә 102 пар аерылышкан. 313 бала теркәлгән (2016 елның 1 декабренә балалар туу халык үлеменнән артыграк). 
Иң өлкән яшьтәге кияүгә 73 яшь тулган, ә аның кәләшенә – 69 яшь. Иң яшь кәләшкә 19, аның киявенә шулай ук 19 яшь. 
 

Гыйнварь яңа өйләнүшечеләргә ишекләрен ачты. Лаеш районы ГХАТ бүлегендә 1-нче пар яшь өйләнешүчеләр, гаилә корып алтын балдаклар алышып бер-берен тәбрикләделәр. Язылыштыручы аларга ныклы гаилә бәхете теләде.

11 гыйнвар шактый “әдәпле” халыкара дата. Сезнең авыздан чыгучы рәхмәт сүзләре тәрбия һәм мәдәнилек турында сөйли. Гади, әмма әһәмиятле “рәхмәт” сүзе безнең тормышны шактый җиңеләйтә, чөнки нәкъ менә әдәпле кешегә карап елмаялар, башка кешеләр аңа игътибар итәләр.

Китапханә абонементында ясалган күргәзмәдә балалар өчен танылган балалар язучылары Г.Остер, А.Волкоа, Э.Сэтон–Томпсон, В.Бианка, К.Булычев һәм башкаларның әсәрләре тәкъдим ителгән. Фантастика һәм маҗаралар яратучылар күргәзмәдә Р.Сабатини, С.Хаггарт, Д.Ф.Купер әсәрләрен таба ала. 
 

2017 елның  16 гыйнварыннан 3 февраленә кадәр Лаеш муниципаль районының авыл җирлекләрендә Лаеш муниципаль районы башлыгы М.П.Афанасьев, район Советы һәм башкарма комитетының җаваплы хезмәткәрләре һәм район звеносы җитәкчеләре катнашында “2016 елда авыл җирлекләре башкарма комитетлары эшчәнлеге турында” мәсьәләсе буенча авыл җирлекләре Советларының отчет утырышлары булачак.
 

Лаеш районы Комлы Ковали авылы “Дружба” үзәге спортчылары Козьмодемьянск шәһәренең (Марий Эл республикасы) ачык беренчелегеннән җиңү белән кайттылар. Ярышларда алты төбәк каратэчылары катнашты: Түбән Новгород һәм Киров өлкәләре, Татарстан, Марий Эл республикалары, Мордовия һәм Чувашиядән. Нәтиҗәләр: Айнур Вахитов - 1 урын (тренеры Тимур Сабитов), Рәзил Хәйретдинов - 2 урын (тренеры Тимур Сабитов). 
 

Район Советының зур залында район башлыгы Михаил Афанасьев җитәкчелегендә яңа 2017 елда беренче “эшлекле дүшәмбе” киңәшмәсе үтте. Анда узган яңа ел каникуллары, агымдагы мәсьәләләр һәм быелга планнар турында фикер алыштылар