ЯҢАЛЫКЛАР

Беренче зонада Лаеш районы Татарстан башкаласы, Яшел Үзән һәм Балык Бистәсе районы белән көч сынашты. Жюри составына Татарстан мәгариф һәм фән министрлыгы вәкилләре, Татарстан Дәүләт Советы депутатлары, Татарстан Иҗтимагый палатасы белән Мәгариф һәм фән министрлыгының Иҗтимагый советы әгъзалары, яшьләр оешмалары кешеләре катнашты. Конкурста гомуми белем бирү оешмалары, шул исәптән махсус учреждениеләр, урта һөнәри белем бирү уку йортлары катнашты. Бинаның тышкы кыяфәте һәм яңа уку елына әзерлек бәяләнде. 

Лаеш техник-икътисадый техникумы нигезендә мәгариф хезмәткәрләренең республика август киңәшмәсе кысаларында “Милли мәгарифнең муниципаль моделе: перспектив үсеш юнәлешләре” темасына милли мәгариф секциясе утырышы узды. Чарада Татарстан Премьер-министры урынбасары – мәгариф һәм фән министры Энгель Фәттахов, Татарстан Дәүләт Советының мәгариф, мәдәният, фән һәм милли мәсьәләләр буенча комитеты рәисе Рәзил Вәлиев, Лаеш районы башлыгы Михаил Афанасьев, Бөтендөнья татарлар конгрессы башкарма комитеты рәисе Ринат Закиров катнашты.

“Алтын көз” гаилә һәм балаларга ярдәм итү бүлегендә Интернетка багышланган чара узды. Интернет файдалы булган кебек үк, аның зыяны да бар. Шуны исәпкә алып, социаль эшләр белгече Лилия Сытова аның кагыйдәләре һәм законнаны белән таныштырып китте. Әлеге чараның максаты булып балаларның компьютер вируслары, аларның таралуы, вирусларга каршы программалар турында балаларның белемнәрен арттыру тора. Чарада 7 бала катнашты. “Куркынычсыз Интернет серләре” уены барышында балалар Интернет белән куллануның 6 серен белделәр.

Лаеш районында Россия Дәүләт Думасына сайлаулар буенча сайлау алды агитациясе бара. 10 августта “Татарстан командасы” җәмәгатьчелек инициативасы һәм җирле җәмәгать үзидарәсе көче белән Лаеш шәһәре руамнары көне билгеләп үтелде. Монда пикет агитациясенә дә старт бирелде. Әлеге чарада зур концерт программасы һәм төрле конкурслар каралган иде. Бәйрәмдә катнашучыларны район сугыш һәм хезмәт ветераннары Советы Рәисе Рашат Булатов һәм “Бердәм Россия” партиясенең җирле башкарма комитеты җитәкчесе Роза Мышева сәламләде.

Лаеш техник-икътисад техникумы нигезендә “Татарстан республикасының һөнәри мәгарифе: әзерлек сыйфатын халыкара стандартларга туры китереп арттыру перспективалары” темасына республика август мәгариф хезмәткәрләре киңәшмәсе кысаларында урта һөнәри белем бирү секциясе булды. Чарада Россия мәгариф һәм фән министрлыгының эшче кадрлар һәм ДПО әзерләү өлкәсендә дәүләт сәясәте Департаменты директоры урынбасары Сергей Картошкин, Татарстан Премьер-министры урынбасары – мәгариф һәм фән министры Энгель Фәттахов, Лаеш районы башлыгы Михаил Афанасьев, Лаеш районы Башкарма комитеты җитәкчесе Михаил Фадеев катнашты.

Гамәлдәге законнарга ярашлы төстә, ташламалы рецептлар белән дарулар алу дәүләт тарафыннан гарантияләнә. Дөрес сайлау бик мөһим: акчалата эквивалентны түгел, ә социаль хезмәтләр җыелмасын алу.

Район башлыгы Михал Афанасьев Мәскәү шәһәре Думасы депутаты Ринат Лайшев белән очрашты. Аралашу барышында алар нәтиҗәле хезмәттәшлек турында сөйләштеләр.

Бүген Лаеш районында Казанда узучы мелиорация буенча республика семинар-киңәшмәсе катнашучылары булды. Чарага Россиянең 15 төбәгеннән эре федераль предприятиеләр җитәкчеләре чакырылды. Анда Россия авыл хуҗалыгы министрлыгының мелиорация Департаменты директоры Валерий Жуков, Татарстан авыл хуҗалыгы һәм азык-төлек министры урынбасары Илдус Габрахманов, Лаеш районы башлыгы Михаил Афанасьев катнашты.

Бүген Лаеш реабилитация үзәгендә “Дан минуты” исемле социаль-мәдәни чара узды. Мондый чаралар оешмада һәм айда үтә. Күп кенә балалар үзләрен төрле иҗат эшләрендә сынады. Бер көнгә алар җырчы, шигырь сөйләүче, биюче рленә керделәр.  Балаларның күбесе сәхнәгә беренче мәртәбә чыкты, шуңа курә дә үзләрен артист, сәләтле һәм уңышлы итеп тоярга мөмкинлекләре туды. Чара ахырында аларга дипломнар һәм истәлекле бүләкләр тапшырылды.

Шәһәребез көннән-көн матурлана. Төзекләндерү эшләренең кызган чагы җәйгә туры килә – бу максатлар өчен бик тә уңай вакыт.

Шәһәр кунакларын һәм лаешлыларны Державин мәйданындагы яңартылган фонтан янында еш күрергә була. Ә кичләрен өч катлы фонтан төрле төсләр белән балкый.

Лаеш техник-икътисад техникумына керү урыны танып булмаслык итеп үзгәртелгән. Хәзер Лаешта үзебезнең “Потемкин баскычы“ бар. Территорияне төзекләндерү тулы көчкә бара, туфрак китерелгән, аны тигезлиләр. Тиздән газон үләне яшәрер, чәчәк түтәлләре барлыкка килер, агачлар һәм куаклар утыртылыр.