ЯҢАЛЫКЛАР
Бүген Татарстан Премьер-министры урынбасары – мәгариф һәм фән министры Энгель Фәттахов эшлекле сәфәр белән Лаеш районында булды. Аны район башлыгы Михаил Афанасьев каршы алды. Энгель Фәттахов Лаеш шәһәрендәге укыту учреждениеләрендә баручы ремонт һәм төзекләндерү эшләре белән танышты.
Явызлыкны, саранлыкны, ялкаулыкны, хезмәткә хөрмәтсезлекне, буш сүзлелекне фаш итүче А.Л.Бартоның шигырьләрендә бер генә буын тәрбияләнмәде. Үзәк балалар китапханәсе хезмәткәрләре әлеге шагыйрьнең иҗатына багыншланган “Балалачак шигырьләре” әдәби уены уздырды. Чараның катнашучылары – “Березка” балалар бакчасында тәрбияләнүчеләр.
Бима авылындагы чишмәдә суда Җомга Параскевасы иконасы пәйда булу көненә багышланган “Тугызынчы Җомга” дип псемләнгән концерт узды. Легендаларга күз салсак, авылда Ионовлар гаиләсеннән бер карт хатын яшәгән. Бервакыт Бимка елгасына төшкәч, ул Изге Параскева икноасы күрә. Авыл халкы моннан соң чишмә янында часовня төзеп куялар һәм анда 1557 елдан бирле руханилар эш алып барганнар. Бәйрәмдә алар тагын бер кат сүз тоттылар, моннан соң барысын да мәдәни программа көтте. Лаештан “Вдохновение” ансамбле автор Владимир Абросимовның “Биме турында” җырларын башкардылар.
Гаилә, мәхәббәт һәм тугрылык көне уңаеннан “Алтын көз” гаилә һәм балаларга социаль ярдәм күрсәтү бүлеге белгечләре белән ЗАГС хезмәткәрләре белән берлектә “Рябинка” балалар бакчасында чара узды. ЗАГС хезмәткәрләре әлеге бәйрәмнең чыгышы турында сөйләде, ә “Алтын көз” үзәге белгечләре бәйрәмнең символы булган ромашка белән фоторамка ясау буенча мастер-класс уздырдылар. Ахырда балалар үзләренең теләкләрен теләделәр һәм һавага төрле төстәге шарлар очырдылар.
Ел саен 8 июльдә гаилә, мәхәббәт һәм тугрылык көне билгеләп үтелә. Аны Владимир өлкәсе Муром шәһәрендә яшәүчеләр уйлап чыгарган. Нәкъ менә анда христиан никахы өстендә торучы изгеләр булып ирле-хатынлы Петр белән Феврония яшәгән. Бу көнне яраткан кешеңә иң зур бүләк булып ромашкалар бәйләме тора, чөнки ул аның символы. Бәйрәм уңаеннан Үзәк китапханәдә күргәзмә оештырылган, анда бәйрәм тарихы, изгеләр Петр белән Феврония эшчәнлеге турында белергә була, шулай ук гаиләнең роле, гаилә мөнәсәбәтләре кору, балаларны тәрбияләү турында китаплар белән танышырга була.
5 июльдә барлык мөселман дөньясы Ураза бәйрәмен билгеләп уза. Бу көнне мәчетләрдә Гает намазы укыла, хуҗабикәләр коймак пешерә, бәйрәм табыны әзерләнә һәм йортларда кунаклар җыела. Гает көне уңаеннан район башлыгы Михаил Афанасьев Олы Кабан авылы мәчетендә булды.
Изге ай Рамазан бетүгә ислам динендәге ике иң зур бәйрәмнәрнең берсе – Ураза бәйрәме башлана. Быел ул 5 июльдә билгеләп үтелә. Һәр дини кеше өчен бу – диндәгеләрнең гомуми шатлыгына кушылуы һәм рухи тәҗрибә туплауның уңай мөмкинлеге булып тора.
Республика предприятиеләрендә эшләүче яшьләрнең потенциалын ачу, яңа инженер-техник кадрлар туплау һәм эшче һөнәрләрне популярлаштыру максатыннан Татарстанда 2016 елның 9 июненнән 13 ноябрьгә кадәр “Безнеж заман” дип исемләнгән IV республика телевизион эшче яшьләр иҗаты фестивале уза. Фестиваль турында тулырак Татарстан сәнагәть һәм сәүдә министрлыгы (mpt.tatarstan.ru) һәм «Созвездие-Йолдызлык» оешмасы сайтларыннан белергә була. (www.yold.ru). Фестивальдә катнашу өчен 12 сентябрьгә кадәр beznenzaman@mail.ru электрон яисә: 420111, г. Казань, ул. К. Маркса, 23/6 РМОО РТ «Созвездие-Йолдызлык» почта адресына гаризалар җибәрергә кирәк. тел.:8(843)238-43-17, 238-00-63.
Лаеш шәһәренең "Березка" балалар бакчасы " Иң яхшы билингваль балалар бакчасы - 2016" республика конкурсында җиңүче дип танылды. Аның җитәкчесе Ю.А.Тихановага балаларга Татарстан Республикасының дәүләт телләрен өйрәтүдәге казанышлары өчен Мәгариф һәм фән министрлыгының Рәхмәт хаты тапшырылды.
Урта Девятово авылында фонтан ачылды
Бар республика халкы чишмә суына килгән урын төзекләндерелә. Үзгәрешләрнең инициаторы һәм иганәчесе – шушы авылда туып үскән Алексей Демидов. Хәзер монда, шәһәрдәге кебек, фонтан эшли, ул караңгыда аеруча матур.