ЯҢАЛЫКЛАР

Бүген Лаеш шәһәренең 2 нче номерлы мәктәбенең 8-11 класс укучылары арасында ВИЧ һәм СПИД профилактикасына багышланган “Тест уздыру буенча яз атналыгы – Үзеңне тикшер” сыйныф сәгате узды. Символы булып “Мумий Тролль” төркеме солисты Илья Лагутенко беренчеләрдән булып асып йөри торган ал тасма булды. Алып баручылар район мәдәният йорты режиссеры Анастасия Пажитнова һәм 8Б классы укучысы Дарина Зиннурова Татарстандагы ВИЧ-инфекция турында таныштырдылар, ә табиб-венеролог Вәсимә Бургатовна Белова тиешле лекция укыды. Ахырда “Равнодушие” биюе белән Диана Кәримова, Азалия Гыйниятова һәм Дарина Туркова чыгыш ясадылар, биюдә кызлар ВИЧ белән авыруга кешеләрнең мөнәсәбәтен күрсәттеләр. Дарина Туркова ВИЧ белән авыручының язмышы турында шигырь сөйләде.

Бөтендөнья СПИДтан үлгән кешеләрне искә алу көнендә Лаеш реабилитация үзәгендә шул исемдә үсмерләр белән очрашу узды. “Без, өлкәннәр, балаларны СПИД белән бәйле проблемалардан арындырырга телибез. 

Бүген Актаныш районы делегациясе безнең районда булып китте. Тәҗрибә уртаклашу максатыннан алар Сокуры авылындагы “Фабрика заготовок” предприяисендә булдылар. Исегезгә төшерәбез, Татарстан Президенты Рөстәм Миңнеханов күрсәтмәсе буенча, мәгариф һәм мәктәпкәчә учреждениеләрдә тукландыру системасы үзәкләштерелергә тиеш.

М.А.Гәрәев исемендәге Габишево авылы мәктәбе “Плимпиада мәктәптә башлана” исеме астындагы физик культура һәм спортны үстерүче иң яхшы мәгариф учреждениесе Бөтенроссия конкурсы республика этабының “Иң яхшы авыл гомумбелем бирү оешмасы” номинациясендә призер булды. Укытучылар коллективы сәламәт яшәү образын формалаштыру һәм спорт, физик чыныгуга уңай мөнәсәбәт тудыру буенча тәҗрибәләрен тәкъдим итте.

Район авыл хуҗалыгы тармагында эшләүчеләре киләсе көннәрдә кыр эшләрен тәмамларга уйлый. Механизаторлар бүген ашлык, кукуруз, берьеллык үләннәр һәм азык катншамасы чәчү белән шөгыльләнә. Барысы бергә кырларда 90 нан артык төрле техника эшли: чәчү агрегатлары, катоклар, ярдыручылар һәм башкалар.

Бүген Лаеш районындагы социаль яклау бүлеге һәм аның карамагындагы учреждениеләр “Урман утырту көне” акциясендә актив катнашып, үзләренең оешмалары җирлегендә яшел чырышлар һәм куаклар утырттылар. 

11 майда Н.И. Лобачевский исемендәге китапханәдә Татарстан буенча Росреестр идарәсенең дәүләт җир күзәтчелеге, геодезия һәм картография бүлеге белгече Гадилә Кәримуллина, Татарстан Республикасының дәүләт гражданнар һәм муниципаль хезмәткәрләрнең квалификациясен арттыру программасы кысаларында “Дәүләт җир күзәтчелеге һәм муниципаль җир контроле” темасына лекция уздырды.

Лаеш районында язгы кыр эшләре дәвам итә. Бүген район башлыгы Михаил Афанасьев Чирпы авыл җирлегендә урнашкан Илнур Сәетовның фермер хуҗалыгы кырларында булды. Ул эш барышы белән танышты һәм хуҗалык җитәкчесеннән киләчәк уңышка карата планнары турында белеште. Шулай ук район башлыгы механизатор Нияз Хуҗин белән аралашып алды, соңрак аның белән “Хорш” чәчү комплексы таккан “Челенджер” тракторында йөрде.

Ташкирмән авылы мәктәбенең 2 сыйныф укучылары класс сәгатендә “Минем гаиләм” темасына проектларын якладылар. Алар үзләренең гаиләләре , гаилә традицияләре, гаиләләренең барлыкка килү тарихы турында сөйләде